«Bir, eki, úsh...» nemese akademııanyń alǵashqy jobasy

Vokaldyq mýzyka keshin akade­mııa­nyń tusaýkeseri ári onyń tyń­­daýshylarynyń elordalyq ope­ra­súıer qaýymmen alǵashqy ta­nys­tyǵy desek te bolady. Al kon­sert­tik baǵdarlamanyń «UNO, DUE, TRE…» degen ataýy beker tań­dal­maǵan, ol Halyqaralyq akade­mııa tyń­daýshylarynyń kúrdeli ári ta­nym­dyq bilim alý ýaqytynyń bas­taýy ispetti.

Oqý úrdisi bastalǵan bir aı ýaqyt ishinde jas solıster táji­rı­beli ustazdar Anatolıı Gý­sev pen Franchesko Meddanyń jetek­shi­ligimen áıgili avtorlardyń operalarynan úzindiler ázirledi.

– Boıymda qýanysh ta, qobal­jý da bar. Ánshiniń sahnaǵa árbir shy­­ǵýy – tolqý, al shákirtterimiz án salǵan kezde, bul men úshin de óte jaýapty sát: men de olarmen birge ýaıymdaımyn, qobaljımyn. Biz úshin alǵashqy aıda jasaǵan jumysymyzdy kórsetý óte mańyz­dy. Dese de jańa ustazdan sabaq alý úshin bul kezeń óte az. Daýys úne­mi jumys isteýdi, durys baptaýdy jáne muqııat kútip, qaraýdy qajet etetin qural, – dep atap ótti Opera akademııasynyń ustazy, operalyq án aıtý boıynsha ıtalııalyq maes­tro Franchesko Medda.

Halyqaralyq opera akademııa­synda oqý merzimi eki jylǵa eseptelgen. Jańa jobanyń negizgi min­deti – operalyq oryndaýshylyq óner­diń deńgeıin kóterý, óner jolyna qadam basqan daryn ıeleri­niń áleýetin ashýǵa kómektesý. Joba je­­tekshisiniń aıtýynsha, munda úz­dik otandyq jáne sheteldik peda­gog­tarmen sabaqtar kún saıyn ótkiziledi. Onda vokaldyq tehnı­ka jáne akterlik sheberlikpen ju­mys isteý, ıtalııan tilin úırený qam­tylǵan. Sondaı-aq akademııa bola­shaq ártisterge Qazaqstannyń opera ónerin shetelderde pash etý úshin álemniń jetekshi sahnalarynda óner kórsetýge múmkindik berýdi maq­sat etip otyr.

– Joba jumysynyń alǵashqy oqý aıy artta qaldy. Atqarylǵan jumystyń shaǵyn qorytyndysyn jasap, kópshilik nazaryna jas oryn­daýshylardy tanystyrý sáti de kelip jetti. Bul óner kór­se­tý «ASTANA OPERA Ha­lyq­ara­lyq opera akademııasy usy­na­dy» degen ataýmen konsert­ter­diń jańa toptamasyna jol asha­dy dep senemiz. Búgingi kon­sertimizde kórermenderge arnap V.Mosart, V.Bellını, Dj.Ros­sını, G.Donısettı, Dj.Ver­dı, R.Leonkavallo men P.Chaıkov­skııdiń týyndylarynan qu­ral­ǵan qyzyqty baǵdarlama ázir­lendi. Shyǵarmalardyń basym kóp­shiligi jalpy teatr repertýary­na enbegen. Demek tyńdarman qaýym osynaý týyndylardy jas ánshi­lerdiń oryndaýynda alǵash ret estı­di. Jańa daýystar tyńdarman júreginen oryn taýyp, esten ketpes mýzykalyq kesh syılaıdy degen úmit­temiz, dedi Qazaqstannyń eń­bek sińir­gen qaıratkeri, ASTANA OPERA Halyqaralyq opera akade­mııasynyń kórkemdik jetekshisi Tımýr Ýrmancheev.

Konsert taqyryby – dýetter, tersetter jáne operalardan an­sam­blder. Ansambldik oryn­daý­­shylyq barynsha oı jınaq­ty­­lyǵyn, daýysty meńgerý men án aı­tý­daǵy seriktestikti seziný­di qa­jet etedi. Munyń bári she­ber­­­lik deńgeıiniń kórsetkishi. An­sam­blde án aıta bilý – óz ómi­­rin operamen ushtastyrýdy oıla­ǵan barlyq ánshilerge qajetti ma­ńyz­dy qadam. Akademııanyń tyń­daý­shylary men ustazdary lı­rı­­kalyq, dramalyq jáne tipti ázil kó­ri­nisterinen turatyn túrli sıpat­taǵy baǵdarlama ázirlepti.

– Shyǵarmalardy jattaý, óz keıip­­kerin ón boıynan ótkizý já­ne kom­pozıtor arqaý etken emo­­sııa­lar shoǵyryn daýyspen jet­kiz­e bilý úshin ánshilerimizdiń da­ıyn­dyǵyna bir aı ýaqyt berildi. An­sam­blde án aıtýdan bólek, mý­zy­kany durys jetkizip, oǵan ja­nyń­nyń bir bólshegin salý kerek, son­da ol biregeı dúnıege aınalady. Re­per­týardy tańdaý kezinde eki já­ne odan da kóp ártis qatysatyn týyn­­dylardyń úzindilerine beker ba­sym­dyq berilgen joq. О́ıt­keni jas oryndaýshylardy sah­nada áriptestermen ózara is-qı­myl jasaý, ansamblde jumys is­teı alý, seriktesti estý syndy ope­­ra óneri zańdylyqtaryna baý­ly­ǵy­myz, kásibı sheberligin shyń­daǵy­myz keldi. Bulardyń bar­lyǵy kási­bı mamanǵa óte qajet ári ma­ńyz­dy daǵdylar, dedi Opera aka­de­mııasynyń ustazy, operalyq án aıtý maestrosy Anatolıı Gýsev (Italııa).

Hosh, sonymen otyz kúnge so­zyl­ǵan úzilssiz ári jiti daıyn­dyq sahnada óz jemisin berdi. Aka­demııanyń tyńdaýshylary kóre­menine keremet mýzyka keshin tar­tý etti. Atap aıtsaq, kúrdeli sah­nalyq kórinisterdiń biri – V.Mo­sarttyń «Don Jýan» opera­synan komandordyń ólimin Vale­rıı Selıvanov, Dinmuhamed Kósh­kin­baev jáne Jandarbek Erkin­baev joǵary deńgeıde oryndady. G.Donısettıdiń «Mahabbat sýsy­ny» operasynan Nemorıno – Nurqanat Tapıev pen Dýlkamara – Shyńǵys Rasylhannyń dýeti este qalarlyqtaı áser etti. P.Chaıkov­skııdiń «Pıkovaıa dama» operasynan «Baqtashy áıeldiń adaldyǵy» kostıýmdi kórinisi keshtiń jarqyn qorytyndysyn jasady. Ondaǵy súıkimdi Prılepanyń rólin Gúl­dana Aldadosova oryndasa, Mılov­zor beınesinde Elmıra Shpekbaeva óner kórsetti. Al onyń baqtalasy Zlatogordy – Azat Málik somdady.

– Men úshin árbir óner kórsetý – árdaıym mereke. Sahna – bul meniń ómirim. Biz, ánshiler, jeke oryndaıtyn týyndylardy jaqsy kóremiz, alaıda operalarda ansamblder, dýetter, tersetter kóp, sondyqtan olardy oryndaı bilý operalyq spektaklderge qatysý úshin óte mańyzdy. Dýet boıynsha jumys – qajyrly eńbek. Dýet sahnasynyń emosııalaryn durys jetkizý úshin óz partııańdy naqty bilip, seriktesterińdi tyńdaýyń jáne óziń oryndaıtyn keıipker beınesine enip, opera sıýjetiniń bir bóligine aınalýyń qajet, – dep konsert sońynan akademııa tyńdaýshysy Darıǵa Musaeva óz áserimen bólisti.

ASTANA OPERA Halyqaralyq opera akademııasynyń tyńdaýshy­lary ózderiniń alǵashqy eseptik konsertinde kórermenderdiń zor qoshemetine bólendi. «UNO, DUE, TRE…» atty baǵdarlamaǵa engen álemdik opera repertýarynan ­júı­e­lengen sahnalyq kórinister men dýet­ter opera mýzykasyn baǵa­laý­­shy­lardyń kóńilinen shyqty dep se­nimmen aıta alamyz. Oǵan kó­rer­menniń tolassyz soǵylǵan shapa­laǵy dálel.