Táýelsizdiktiń 30 jyldyq mereıtoıynyń jemisi – jas býynnyń qalyptasyp, ózindik ıdeıalaryn júzege asyra alatyn deńgeıge jetýinde jatyr. Sondyqtan jastar qoǵam damýynyń basty tirekteri bolýy kerek. Tuńǵysh Prezıdent Nursultan Nazarbaev jarııalaǵan «Eldiktiń jeti tuǵyry» uǵymy, shyn máninde, jastardy otansúıgishtikke, patrıottyq sezimge baýlıdy.
Qazaq jeti sanyn qasıetti dep bilgen. Bul qundylyq jeti qazyna, jeti ata degen kıeli uǵymdarmen jalǵasa beredi. Endeshe, ulttyq tárbıeni jan-jaqty nasıhattaımyz desek, túpki tekti qozǵaýdyń túrli ádisterin oılastyrý mańyzdy.
El, jer, til – barlyǵy da qazaq janarynyń «qarashyǵy». Onsyz dúnıe qarań. Sonyń ishindegi til – tikeleı bolmysqa áser etip, adamnyń arǵy bastaýlaryn oıatady.
Tilimizdiń qasıetin umytpaıyq, Táýelsizdikti ulyqtaıyq!
Birjan AHMER,
aqyn, «Daryn» memlekettik
jastar syılyǵynyń laýreaty
