Úkimet • 27 Qarasha, 2021

Asqar Mamın jumys saparymen Mańǵystaý oblysyna bardy

42 ret kórsetildi

QR Premer-Mınıstri Asqar Mamın Mańǵystaý oblysyna jumys sapary aıasynda óńirdiń áleýmettik-ekonomıkalyq damýy máseleleri boıynsha keńes ótkizip, óńdeý ónerkásibi, densaýlyq saqtaý, tirshilikti qamtamasyz etý jáne týrıstik ınfraqurylym salalaryndaǵy jobalardyń iske asyrylýyn tekserdi, dep habarlaıdy Egemen.kz.

Mańǵystaý oblysynyń ákimi Nurlan Noǵaev, energetıka mınıstri Maǵzum Myrzaǵalıev, ekologııa, geologııa jáne tabıǵı resýrstar mınıstri Serikqalı Brekeshev, ındýstrııa jáne ınfraqurylymdyq damý birinshi vıse-mınıstri Qaıyrbek О́skenbaev, «QazMunaıGaz» AQ» basqarma tóraǵasynyń orynbasary Danııar Berlibaev jáne t. b. baıandama jasady.

Bıyl Úkimet Qaýlysymen Mańǵystaý oblysynyń 2021-2025 jyldarǵa arnalǵan áleýmettik-ekonomıkalyq damýynyń keshendi jospary qabyldandy, onda 2,1 trln teńge somasyna 214 is-sharany iske asyrý kózdelgen.

Munaı-gaz sektoryn, óńdeý ónerkásibin, týrızmdi, kólik pen logıstıkany damytý mindeti kún tártibine qoıyldy. Áleýmettik, ınjenerlik-kommýnaldyq ınfraqurylymdy damytý boıynsha jobalar iske asyrylatyn bolady. Qabyldanǵan sharalar esebinen óńir halqynyń 100%-y sapaly aýyz sýmen qamtamasyz etiledi. Keshendi jospardy iske asyrý 60 myńǵa jýyq jańa jumys oryndaryn qurýdy, ónerkásip kóleminiń 27%-ǵa, halyqtyń naqty tabysynyń 40%-ǵa jáne jalpy óńir ekonomıkasynyń 32%-ǵa ósýin qamtamasyz etedi.

p

Bıylǵy jyldyń 10 aıynda Mańǵystaý oblysynda óńdeý ónerkásibiniń kólemi 4,1%-ǵa ósip, 150,2 mlrd teńgeni qurady, aýyl sharýashylyǵynyń jalpy óniminiń kólemi 17,1 mlrd teńgege jetti (+1%). Negizgi kapıtalǵa salynǵan ınvestısııalar ósimi 0,6% (473,9 mlrd teńge) qurady. Qurylys jumystarynyń kólemi 22,8%-ǵa (193,8 mlrd teńge) ulǵaıdy, 954,1 myń sharshy metr turǵyn úı paıdalanýǵa berildi.

Premer-Mınıstr Mańǵystaý oblysynyń áleýmettik-ekonomıkalyq damýynyń 2021-2025 jyldarǵa arnalǵan keshendi josparynyń ýaqytyly ári sapaly oryndalýyn qamtamasyz etýdi tapsyrdy.

Keńes barysynda halyqty taza aýyz sýmen qamtamasyz etý máselesine erekshe nazar aýdaryldy. 2025 jylǵa deıin óńirde jalpy qýaty 286 myń tekshe metr bolatyn sýdy tushylandyrýdyń 9 jobasyn iske asyrý josparlanyp otyr, onyń ishinde qýaty táýligine 35 myń tekshe metr bolatyn 3 joba 2022 jyldyń birinshi jartyjyldyǵynda paıdalanýǵa beriledi.

Úkimet basshysy jylyna 120 myń jup aıaq kıim shyǵaratyn «Zhamal-ai Ltd» aıaq kıim jáne arnaıy kıim shyǵaratyn fabrıkanyń jumysymen tanysty.

r

Aqtaý qalasyndaǵy onkologııalyq dıspanserdi aralaý kezinde Premer-Mınıstrge Mańǵystaý oblysynyń densaýlyq saqtaý júıesiniń damýy týraly baıandaldy.

Asqar Mamın «MAEK-Qazatomónerkásip» JShS energetıkalyq keshenin jańǵyrtý jobalarymen tanysty – 2030 jylǵa deıin JEO-2-de bý-gaz qondyrǵysyn, sondaı-aq jıyntyq qýaty táýligine 24 myń tekshe metr eki tushylandyrý qondyrǵysyn salý josparlanýda.

Sonymen qatar, Úkimet basshysy Aqtaý qalasynyń týrıstik aımaǵyn damytý jobalarynyń iske asyrylýyn tekserdi.

sh

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar