Qazirgi ýaqytta Mysyrda 4 myńǵa jýyq qazaqstandyq týrıst bar.
«Olardyń barlyǵy aldaǵy kúnderi Air Astana áýe kompanııasynyń 23 repartasııa reısimen Qazaqstanǵa qaıtarylady. Qazir Mysyrda júrgen azamattarǵa esh alańdaýǵa sebep joq jáne olardan barlyq sanıtarlyq talaptardy saqtaýdy suraımyz. Mysyrdaǵy jańa jyldyq týrlardy satyp alǵan týrıster saıahattaıtyn eldi aýystyra alady, sondaı-aq, áýe qatynasy qalpyna kelgenge deıin qarajatty depozıtke salyp nemese qaıtaryp alýlaryna bolady», dedi «Týrıstik Qamqor» korporatıvtik qorynyń baspasóz qyzmeti.
Bıletterdi qaıtarý 3 aı boıy júrgiziledi.
Eger Mysyrǵa baratyn bıletterdi áýe kompanııalarynyń kassalarynan nemese saıttardan satyp alǵan bolsa, jolaýshylarǵa jumsalǵan qarajat qaıtarylady, dep málimdedi ındýstrııa jáne ınfraqurylymdyq damý mınıstrligi.
Al eger bıletti týroperatorlarynan nemese bılet satý qyzmetin kórsetetin basqa da saıttan satyp alǵan bolsa, onda bıletti satqan orynǵa júginýge týra keledi.
