Aımaqtar • 06 Jeltoqsan, 2021

Jedel járdem kóligin mas kúıinde júrgizgen qyzmetker ustaldy

130 ret kórsetildi

Pavlodar oblysynda quqyq qorǵaý organdarynyń qyzmetkerleri jedel járdem kóligin mas kúıinde tizgindegen júrgizýshini toqtatty, dep habarlaıdy Egemen.kz.

Oqıǵa 5 jeltoqsanda oryn alyp, «Quqyqtyq tártip» jedel aldyn alý is-sharasy aıasynda anyqtalǵan.

Saǵat 00:15 shamasynda Tereńkól aýdanynyń polısııa qyzmetkerleri JQS-da «Jedel járdem» kóligin toqtatqan. Qujattardy tekserý barysynda ınspektorlar júrgizýshiniń salǵyrttyǵyn baıqaǵan. Kýálandyrý júrgizilip, onyń nátıjeleri boıynsha júrgizýshiniń mas kúıinde bolǵany anyqtaldy.

«Júrgizýshige qatysty QR ÁQBK 608-baby boıynsha ákimshilik is qozǵaldy, materıal sotqa joldandy», deıdi Pavlodar oblysy PD jergilikti polısııa qyzmetiniń bastyǵy Ǵalym Sarǵulov.

Vedomstvoda atap ótkendeı, aýdandyq aýrýhananyń aǵa mehanıgine qatysty QR ÁQBK 619-baby boıynsha ákimshilik materıal jasalyp, 40 AEK aıyppul salyndy.

Aıta ketsek, jedel aldyn alý is-sharasynyń alǵashqy kúninde 650-ge jýyq quqyq buzýshylyq anyqtalǵan.

Spırttik ishimdikterdi ishkeni nemese qoǵamdyq oryndarǵa mas kúıinde barǵan 100-ge jýyq azamat jaýapkershilikke tartylsa, olardyń 14-i avtokólikti mas kúıinde basqarǵan.

Sońǵy jańalyqtar

Esińde bolar ár kúniń

Qazaqstan • Keshe

Jemqorlyq statıstıkasy

Qazaqstan • Keshe

«Bir belgi úshin...»

Kıno • Keshe

Shynaıylyq

О́ner • Keshe

Balalyq shaqtyń aspany

Qoǵam • Keshe

Uqsas jańalyqtar