Mınıstrdiń mindetin atqarýshy Ahmetjan Pirimqulovtyń buıryǵymen barlyq qaldyqtar eki topqa bólingen:
«dymqyl» - taǵam qaldyqtarynan, organıkalyq zattardan, aralas qaldyqtardan jáne tabıǵaty men quramy boıynsha turmystyq qaldyqtarǵa uqsas qaldyqtardan turady;
«qurǵaq» - qaǵaz, karton, metall, plastık jáne shynydan turady.
О́kimge sáıkes, oblystardyń, respýblıkalyq mańyzy bar qalalardyń jáne astananyń ákimdikteri qaldyqtardy jınaıtyn jáne tasymaldaıtyn, bólek jınaý úshin konteınerlerdi uıymdastyratyn, halyqqa túsindirý jáne aqparattyq-túsindirý jumystaryn júrgizetin TQQ naryǵyna qatysýshylardy anyqtaý boıynsha konkýrs ótkizedi.
Qujatta elektrondy jáne elektr jabdyqtary, quramynda synaby bar qaldyqtar, batareıalar, akkýmýlıatorlar jáne basqa da qaýipti komponentteri bar qaldyqtar bólek jınalyp, mamandandyrylǵan uıymdarǵa qalpyna keltirýge beriletini aıtylǵan.
Qoqys konteınerlerine janyp turǵan, ystyq qaldyqtardy, iri kólemdi qaldyqtardy, qar men muzdy, sondaı-aq adamdardyń ómiri men densaýlyǵyna zııan keltiretin, konteınerlerdi tastaýǵa tyıym salynady.
Qurylys qaldyqtary da, buıryqqa sáıkes, tikeleı qurylys alańynda nemese jergilikti atqarýshy organdar uıymdastyrǵan arnaıy jerde basqa qaldyqtardan mindetti túrde bólinýi kerek.
«Menshik nysanyna jáne qyzmet túrine qaramastan tulǵalar ortalyqtandyrylǵan júıeni paıdalaný kezinde naqty eldi mekende nemese onyń quramdas bóliginde qaldyqtardy bólek jınaý úshin ortalyqtandyrylǵan júıe sheńberinde jasalǵan sharttarǵa sáıkes túzilgen qaldyqtardy túrleri nemese toptary boıynsha bólýdi qamtamasyz etedi», delingen buıryqta.
Buıryq 2021 jylǵy 19 jeltoqsannan bastap qoldanysqa engiziledi.
