Jas aqyndar jarqyly

Rýhanı sharany Nur-Sultan qalasynyń Jastar saıasaty máseleleri basqarmasy jáne Qazaqstan Jas­tarynyń Konventi uıymdastyrdy. L.N.Gýmılev atyndaǵy Eýrazııa ult­tyq ýnıversıtetinde ótken dúbirli jyr dodasyna jer-jerden kelgen 14-29 jas aralyǵyndaǵy aıtys óne­riniń jas qyrandary qatysty. Jyr báıgesine Qazaqstannyń eńbek sińirgen qaıratkeri, aqyn Júrsin Erman bastaǵan elge belgili qalamgerler qazylyq etti.

Is-sharanyń maqsaty – jas daryn­dardyń kópshilikke sheberligin kórsetý, olardy otansúıgishtikke tárbıeleý jáne ulttyq sana-sezimin oıatý. Sahnany jyrǵa bólegen aqyndar bul údeden shyqty degen oıdamyz. Oǵan shara barysyndaǵy kórermenniń iltıpaty dálel.

Aıtysty quttyqtaý sózben ashqan ýnıversıtet rektory Erlan Sydyqov Qazaq ádebıeti kafedrasynyń profes­sory, fılologııa ǵylymdarynyń doktory Amanjol Áltaıdyń keýdesine «Kúltegin» medalin taǵyp, ıyǵyna shapan japty. Odan keıin qazylar alqasynyń tóraǵasy Júrsin Ermanǵa stýdentter qaýymynyń atynan syı-sııapat jasady.

Qorytyndylaı kelgende, birinshi orynǵa L.N.Gýmılev atyndaǵy EUÝ Fılo­logııa fakýltetiniń stýden­ti Abzal Maqash ıe boldy. Al ekin­shi tu­ǵyrǵa Qazaq ulttyq óner ýnı­ver­sıtetiniń stýdenti Aqbota Ma­narbekova men T.Júr­genov atyndaǵy Qazaq ult­tyq óner aka­demııasynyń stýdenti Meıir­­bek Salamatov shyqty. Sondaı-aq úshinshi satydan L.N.Gýmılev atyn­da­ǵy EUÝ Jýrnalıstıka jáne saıa­sat­taný fakýltetiniń stýdenti Erasyl Baı­mentaev, «Astana» medısına ýnı­ver­sıtetiniń stýdenti Saǵynysh Smet, H.Dos­muhameduly atyndaǵy Aty­raý memle­kettik ýnıversıtetiniń stý­denti Farıza Jetpisbaeva kórindi.