Áleýmettik salany avtomattandyrý - qalany sıfrlandyrýdyń negizgi baǵyttarynyń biri.
«Búginde jumyssyz azamattardy qysqa merzimdi oqytýǵa ótinimderdi berý jáne qaraý prosesi avtomattandyryldy. Biregeı QR kodtaryn skanerleý arqyly qyzmetkerdiń jumys ornyna barýyn rastaý jáne tirkeý quraly ázirlendi», deıdi Botagóz Qasabek.
Qazirgi ýaqytta Nur-Sultannyń barlyq bilim berý jáne densaýlyq saqtaý nysandary 100% beınebaqylaý júıesimen jabdyqtalǵan.
Elordalyq medısınalyq uıymdarda dárigerler esigine QR-kody bar arnaıy taqtaıshalar ornatyldy. №65 mektep pen №2 mekteptiń aıaldamasynda ýltrakúlgin bakterısıdti shamnyń kómegimen bakterııalardy joıýǵa qabiletti aýany avtomattandyrylǵan ıondaý quraly ornatylǵan. Sonymen qatar júıede tútin datchıgi jáne beınebaqylaý kameralary bar.
Bıyl densaýlyq jaǵdaıy boıynsha esepte turǵan tulǵalarǵa arnalǵan QR bilezikterdi aprobasııalaý iske qosyldy. Qıyn jaǵdaılarda Damýmed júıesinen pasıent týraly tolyq aqparat shyǵatyn «Smart Astana» mobıldi qosymshasy arqyly bileziktegi QR-kodty skanerleý qajet. Sondaı-aq skanerleý kezinde senimdi tulǵaǵa geolokasııany kórsete otyryp, qıyn jaǵdaı týraly sms-habarlama keledi. Atalǵan pılottyq joba №15 emhanada aprobasııadan ótýde, oǵan 140 QR-bilezik berildi.
2021 jyldyń qyrkúıek aıynda Oqýshylar saraıynda TANYM kreatıvti tehnologııalar ortalyǵy ashyldy. Onyń negizgi mindeti - sandyq tehnologııalarǵa, shyǵarmashylyqqa jáne baǵdarlamalaýdy úırenýge baǵdarlaý.
«Qazirgi ýaqytta Nur-Sultanda baılanys deńgeıin arttyrý úshin 12 antenna-dińgek tirekteri ornatyldy. Bul kúnderi «Qazaqtelekom» AQ-men birlesip úıge symsyz ınternet FWA (Fixed Wireless Access) tehnologııasyn alǵash ret engizdi. Bul talshyqty-optıkalyq baılanys jelilerimen jabylmaǵan jerlerde qoldanylatyn 4G negizindegi tehnologııa. Bazalyq stansııalardy ornatý Ońtústik-Shyǵys aýdanynda bastaldy. Nur-Sultan aýmaǵynda FWA ornatý jumystary jalǵasady», dep qosty spıker.
Sonymen qatar elordanyń ınnovasııalyq áleýetin damytý úshin bıyl Birge ortaq ıdeıalaryna arnalǵan platforma iske qosyldy. Platforma turǵyndarǵa qala tirshiliginiń barlyq baǵyttary boıynsha ıdeıalar usynýǵa múmkindik beredi. Sıfrlyq jobany birge-elorda.kz siltemesi boıynsha ESQ kilti arqyly paıdalanýǵa bolady.
Sonymen qatar qatań sanıtarlyq normalardy saqtaı otyryp, IT-sharalar júıeli túrde ótkizilip turady. 2021 jyly Respýblıkalyq STEM-olımpıada, Digital Bridge-de «Smart City» paneldik sessııasy, IT-keńestiń 4 kezdesýi ótkizildi. Keńes qurylǵan sátten bastap barlyǵy 50-ge jýyq IT-sheshim qaraldy.
Elordanyń sıfrlyq qosarlanýy boıynsha Nur-Sultan qalasynyń geoaqparattyq ortalyǵyn qurý oryndaldy. Elordanyń kólemi 801 km2 jer ýchaskesi 1 pıkselge 3 sm-ge deıingi dáldikpen sıfrlandyryldy. Qalanyń relefi men relefiniń sıfrlyq modelderi tolyǵymen salyndy, qurylys bóliginiń 100% 2D jáne 3D modelderi salyndy. 16 000 km astam ınjenerlik jeliler sıfrlandyryldy. Injenerlik-geodezııalyq jumystardyń qorytyndylary boıynsha 144 000-ǵa jýyq magıstraldyq jáne kvartalishilik jeliler qudyǵy túsirildi. Sondaı-aq jer qatynastary, sáýlet jáne qala qurylysy bóliginde ishki prosester avtomattandyryldy.
Kezdesý sońynda depýtattar ár joba boıynsha naqty suraqtar qoıdy. Sondaı-aq pandemııa kezinde memlekettik qyzmetterdi avtomattandyrýdyń jáne turǵyndardyń qaýipsizdigin qamtamasyz etýdiń mańyzdylyǵyn atap ótti.
