Koronavırýs • 18 Qańtar, 2022

Ýchaskelik dárigerlerge 3 jalaqy kóleminde ústemaqy tólenedi

1237 ret kórsetildi

Ýchaskelik medısına qyzmetkerlerine KVI aýrýlaryn úıde emdegeni úshin 3 bazalyq laýazymdyq jalaqy mólsherinde qosymsha aqy tólenedi. Bul týraly búgin Úkimet otyrysynda QR Densaýlyq saqtaý mınıstri Ajar Ǵınııat aıtty, dep habarlaıdy Egemen.kz.

«Ambýlatorııalyq naýqastar sanynyń óskenin eskere otyryp, Densaýlyq saqtaý mınıstrligi óńirlerdiń jergilikti atqarýshy organdarymen birlesip, medısınalyq-sanıtarııalyq alǵashqy kómek deńgeıinde ýaqtyly medısınalyq kómekti nyǵaıtý jáne uıymdastyrý boıynsha is-sharalar qabyldaýda», dedi ol.

Mınıstrdiń dereginshe, qazirgi ýaqytta elimiz boıynsha 3 054 mobıldi dárigerlik brıgada jumys isteıdi, rezervte 1 622 brıgada bar. KVI-men aýyratyn naýqastardy ambýlatorııalyq emdeýge ýchaskelik medısına qyzmetkerleri keńinen tartylýda. Shuǵyl medısınalyq kómekti 1 486 jedel medısınalyq járdem brıgadasy kórsetedi, rezervte 150-i jasaqtalǵan. Qazir KVI kezinde medısınalyq kómek kórsetýge barlyǵy 40 myńǵa jýyq medısına qyzmetkeri tartylǵan. Rezervte 4 556 medısınalyq qyzmetker bar, onyń 1217-i - dáriger.

«Medısınalyq-sanıtarııalyq alǵashqy kómek uıymdary qyzmetkerleriniń jumysyn yntalandyrý maqsatynda mobıldi brıgadalardyń qaıta shyǵýyn, Mindetti áleýmettik medısınalyq saqtandyrý arqyly úıdegi stasıonarlardy keńeıtý jáne belsendi ashýǵa qosymsha aqy tóleý boıynsha is-sharalar qabyldandy. Sondaı-aq, ýchaskelik medısına qyzmetkerlerine KVI aýrýlaryn úıde emdegen úshin 3 bazalyq laýazymdyq jalaqy mólsherinde qosymsha aqy kózdelgen», dedi Ajar Ǵınııat.



 

Sońǵy jańalyqtar

Uqsas jańalyqtar