Belgııaǵa jumys sapary sheńberinde Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi Belgııanyń Vıse-Premer-mınıstri – Syrtqy ister mınıstri Sofı Vılmes, Eýroodaq Prezıdentiniń Syrtqy saıasat jónindegi bas keńesshisi Saımon Mordıý, Eýropalyq Odaqtyń Adam quqyqtary jónindegi arnaıy ókili Imon Gılmor, Eýropalyq syrtqy is-qımyldar qyzmetiniń bas hatshysy Stefano Sanıno, sondaı-aq Eýroodaqtyń Ortalyq Azııa boıynsha Arnaıy ókili Terrı Hakalamen bólek kelissózder júrgizdi.
Qazaqstan men Eýropalyq Odaq ekijaqty qatynastardyń barlyq spektri boıynsha ózara tıimdi, kópjosparly yntymaqtastyqty damytý nıetin rastady. Qazaqstan SIM basshysy M.Tileýberdiniń EO jáne Belgııa basshylyǵymen kelissózderiniń negizgi taqyryby osyndaı boldy. 2020 jylǵy naýryzda qol qoıylǵan Qazaqstan men Eýroodaq arasyndaǵy Keńeıtilgen áriptestik pen yntymaqtastyq týraly kelisim Qazaqstan-Eýropa qatynastarynyń sapaly jańa kezeńin bastaýǵa múmkindik berdi.
Eýropalyq seriktestermen kelissózderdiń basty taqyryby Qazaqstan-Eýropalyq tregindegi ózara is-qımyldy jandandyrý, sońǵy qaıǵyly oqıǵalardy eskere otyryp, Qazaqstandaǵy aǵymdaǵy jaǵdaı, sondaı-aq QR Prezıdenti Qasym-Jomart Toqaevtyń Brıýsselge 2021 jylǵy 25-26 qarashadaǵy alǵashqy resmı saparynyń qorytyndylaryn iske asyrý jónindegi sharalardy talqylaý boldy.
Mınıstr eýropalyq seriktesterdi eldegi ishki saıası jaǵdaı jáne UQShU bitimgershilik kúshteriniń qatysýymen júrgizilgen terrorızmge qarsy operasııa jáne olardy QR-dan shyǵarýdyń aǵymdaǵy prosesi týraly egjeı-tegjeıli habardar etti. Táýelsizdiktiń 30 jyly ishinde qol jetkizilgen demokratııalyq jetistikter men qaıta qurýlardy saqtaýǵa eldiń beıildiligin rastady.
I. Gılmor jáne T. Hakalamen kezdesýlerdiń basty taqyryby adam quqyqtary men aımaqtyq qaýipsizdik máseleleri boldy. Mınıstr suhbattastaryn Qazaqstanda júrgizilip jatqan saıası reformalardyń negizgi aspektileri týraly habardar etti.
Taraptar elimizdegi keń aýqymdy reformalarǵa qoldaý bildirip, Qazaqstan men EO arasyndaǵy zań ústemdigi jáne jalpy qazaqstandyq-eýropalyq áriptestikti nyǵaıtý úshin demokratııalandyrý máselelerindegi syndarly dıalogtyń mańyzdylyǵyn atap ótti.
Mınıstrdiń Eýropalyq Keńes Prezıdentiniń Syrtqy saıasat jónindegi bas keńesshisi S.Mordıýmen, sondaı-aq belgııalyq vızavımen kelissózderi barysynda QR Prezıdentiniń Brıýsselge resmı sapary jáne onyń Korol Fılıp jáne Premer-Mınıstr Aleksandr De Kromen kelissózderi barysynda qol jetkizilgen ýaǵdalastyqtar talqylandy.
Halyqaralyq máseleler boıynsha pikir almasý barysynda BUU, EQYU jáne basqa da kópjaqty qurylymdar aıasyndaǵy ózara is-qımyl talqylandy. Kelissózderdiń kún tártibine óńirlik máseleler, sonyń ishinde Aýǵanstandaǵy jaǵdaı, Ortalyq Azııa elderimen yntymaqtastyq jáne sý resýrstaryn basqarý máselesi kirdi.
Sapar aıasynda mınıstr M.Tileýberdi eýropalyq BAQ úshin Qazaqstandaǵy qazirgi jaǵdaı týraly, sondaı-aq Memleket basshysynyń elimizdiń odan ári damýy jónindegi jańa reformalary týraly baspasóz konferensııasyn ótkizdi.
Brıýsselde bolǵan kezde Qazaqstan SIM basshysy M.Tileýberdi Fransııanyń Syrtqy ister mınıstri Jan-Iv Le Drıanmen telefon arqyly sóılesti. Fransııanyń Eýropalyq Odaq Keńesindegi aǵymdaǵy tóraǵalyǵyn eskere otyryp, taraptar ú.j. sáýirde QR-EO Yntymaqtastyq keńesiniń kezekti otyrysyn ótkizý týraly kelisti.
