Elorda • 19 Qańtar, 2022

Elordalyq dárigerler kovıd ortalyǵyndaǵy jaǵdaıdy kórsetti

45 ret kórsetildi

Elordalyq juqpaly aýrýlar ortalyǵynyń medısına qyzmetkerleri naýqastardy emdeý barysynda túsirilgen vıdeolarmen bólisti, dep habarlaıdy Egemen.kz.

Kadrlarda túrli apparattardyń astynda jatqan balalardy baıqaýǵa bolady.

Sol sııaqty dárigerlerdiń arnaıy qorǵanys kostıýmderin kıip, náresteni qalaı tamaqtandyryp jatqanyn kórýge bolady. Náreste reanımasııada jatqandyqtan («qyzyl aımaqta») oǵan tek aýrýhana dárigerleriniń kirýine ǵana ruqsat beriledi.

Nur-Sultanda sońǵy aılarda stasıonarda em qabyldap jatqan naýqastar sany 30 eseden astam ósti. Sonymen qatar, vırýs balalar arasynda da tez taralady. Osy sebepti reanımasııaǵa túsetinder kórsetkishi artty.

Dárigerler kezekti ret vırýstyń qaýiptiligine senýge shaqyrdy.

«Qazir bizdiń aýrýhanada 200-den astam naýqas jatyr. Jańa týǵan náresteden 18 jasqa deıin. Sondyqtan Nur-Sultan qalasynyń turǵyndaryna adam kóp jınalatyn oryndarǵa barmaýǵa, jeke gıgıenany qatań saqtaýǵa shaqyramyn. Aýrý belgileri bilingen jaǵdaıda dárigerdiń kómegine júginý kerek. Medısınalyq kómek alǵannan keıin, qajet bolǵan jaǵdaıda úıde emdelý qajet. О́zińizdi qorǵańyz. Qazir oqýshylardy Pfizer preparatymen vaksınasııalaý bastalǵanyn aıtqym keledi. Sondyqtan aýrýdyń aldyn alýdyń bir ǵana ádisi bar – vaksınasııa. Ekpe almaǵandardy vaksınadan ótýge shaqyramyn. Revaksınasııadan ótý mańyzdy», deıdi №3 kópbeıindi qalalyq balalar aýrýhanasynyń dárigeri, bólim meńgerýshisi Janar Sambetqyzy.

Sondaı-aq, kadrdan úlken kisilerdiń de emdelip jatqanyn baıqaýǵa bolady. Aýrýdyń aýyr aǵymy bar naýqastar tynys alý júıesiniń qosalqy apparattaryna qosylady. Dárigerler indettiń kúsheıý sebebin jańa jyldyq merekelermen jáne «omıkron» shtamynyń paıda bolýymen baılanystyryp otyr.

«Jańa jyldan keıin búkil el boıynsha koronavırýs ınfeksııasyn juqtyrǵandar sany kúrt ósti. Kún saıyn myńdaǵan adam jedel medısınalyq kómekke júginedi, júzdegen adam táýligine aýrýhanaǵa jatqyzylady. Tek vaksınasııa bizdi pandemııadan qutqara alady!», dep sózin aıaqtady joǵary sanatty dáriger-ırnfeksıonıst Sáýle Atyǵaeva.

Qalada ashylǵan 2 200 tósektiń 876-sy ǵana bos. О́JJ apparatyna 17 pasıent qosylǵan. Sondaı-aq, KVI-men ambýlatorııalyq deńgeıde emdeletin turǵyndar bar, olardyń sany qala boıynsha 33 myńnan asady.

 

Sońǵy jańalyqtar

Bar jaqsymyz – balalarǵa

Qazaqstan • Keshe

Adam quqyǵyn qorǵaýdaǵy jańa beles

Referendým-2022 • Keshe

Akademıktiń algorıtmi

Ǵylym • Keshe

Erdi syılar el qaıda?

Qoǵam • Keshe

Altyn qyz

Sport • Keshe

Talant pen talap

Ádebıet • Keshe

Tarıhı tanym taǵylymy

Tarıh • Keshe

Ádebı ómirdegi áıelder

Rýhanııat • Keshe

Uqsas jańalyqtar