Qazaqstan Respýblıkasy Úkimetiniń qaýlysy №80

2014 jylǵy 12 aqpan, Astana, Úkimet Úıi «Aýyldyq eldi mekenderge jumys isteýge jáne turýǵa kelgen densaýlyq saqtaý, bilim berý, áleýmettik qamsyzdandyrý, mádenıet, sport jáne veterınarııa mamandaryna áleýmettik qoldaý sharalaryn usyný» memlekettik kórsetiletin qyzmet standartyn bekitý týraly «Memlekettik kórsetiletin qyzmetter týraly» 2013 jylǵy 15 sáýirdegi Qazaqstan Respýblıkasynyń Zańy 6-babynyń 3) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan «Aýyldyq eldi mekenderge jumys isteýge jáne turýǵa kelgen densaýlyq saqtaý, bilim berý, áleýmettik qamsyzdandyrý, mádenıet, sport jáne veterınarııa mamandaryna áleýmettik qoldaý sharalaryn usyný» memlekettik kórsetiletin qyzmet standarty bekitilsin. 2. Osy qaýlyǵa qosymshaǵa sáıkes Qazaqstan Respýblıkasy Úkimetiniń keıbir sheshimderiniń kúshi joıyldy dep tanylsyn. 3. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri S.AHMETOV. Qazaqstan Respýblıkasy Úkimetiniń 2014 jylǵy 12 aqpandaǵy №80 qaýlysymen bekitilgen «Aýyldyq eldi mekenderge jumys isteýge jáne turýǵa kelgen densaýlyq saqtaý, bilim berý, áleýmettik qamsyzdandyrý, mádenıet, sport jáne veterınarııa mamandaryna áleýmettik qoldaý sharalaryn usyný» memlekettik kórsetiletin qyzmet standarty 1. Jalpy erejeler 1. «Aýyldyq eldi mekenderge jumys isteýge jáne turýǵa kelgen densaýlyq saqtaý, bilim berý, áleýmettik qamsyzdandyrý, mádenıet, sport jáne veterınarııa mamandaryna áleýmettik qoldaý sharalaryn usyný» memlekettik kórsetiletin qyzmeti (budan ári – memlekettik kórsetiletin qyzmet). 2. Memlekettik kórsetiletin qyzmet standartyn Qazaqstan Respýblıkasy О́ńirlik damý mınıstrligi (budan ári – Mınıstrlik) ázirledi. 3. Memlekettik qyzmetti aýyldyq aýmaqtardy damytý jónindegi aýdandyq (oblystyq mańyzy bar qalanyń) ýákiletti organdar (budan ári – kórsetiletin qyzmetti berýshi) kórsetedi. 2. Memlekettik qyzmetti kórsetý tártibi 4. Memlekettik qyzmet kórsetý merzimi: 1) kórsetiletin qyzmetti berýshige qujattar toptamasy tapsyrylǵan sátten bastap: 39 (otyz toǵyz) kúntizbelik kún ishinde kóterme járdemaqy tólenedi; 32 (otyz eki) kúntizbelik kún ishinde osy memlekettik kórsetiletin qyzmet standartyna 1-qosymshaǵa sáıkes nysan boıynsha Kelisim jasasý rásimi júzege asyrylady; Kelisim jasalǵannan keıin 30 (otyz) jumys kúni ishinde turǵyn úı satyp alýǵa nemese salýǵa bıýdjettik kredıt usynylady; 2) qujattar toptamasyn tapsyrý úshin kútýdiń eń kóp ruqsat berilgen ýaqyty – 15 mınýt; 3) qyzmet kórsetýdiń eń kóp ruqsat etilgen ýaqyty – 30 mınýt. 5. Memlekettik qyzmet kórsetý nysany – qaǵaz túrinde. 6. Memlekettik kórsetiletin qyzmettiń nátıjesi kóterme járdemaqy jáne bıýdjettik kredıt túrindegi áleýmettik qoldaý sharalary bolyp tabylady. Memlekettik qyzmet kórsetý nátıjesin usyný nysany – qaǵaz túrinde. 7. Memlekettik qyzmet aýyldyq eldi mekenderge jumys isteýge jáne turýǵa kelgen densaýlyq saqtaý, bilim berý, áleýmettik qamsyzdandyrý, mádenıet, sport jáne veterınarııa mamandaryna (budan ári – memelekttik qyzmeti alýshy) tegin kórsetiledi. 8. Kórsetiletin qyzmetti berýshiniń jumys kestesi – Qazaqstan Respýblıkasynyń eńbek zańnamasyna sáıkes demalys jáne mereke kúnderin qospaǵanda, dúısenbiden bastap jumany qosa alǵanda, saǵat 13-00-den 14-30-ǵa deıin túski úzilispen, saǵat 9-00-den 18-30-ǵa deıin kórsetiledi. Memlekettik qyzmet aldyn ala jazylýsyz jáne jedel qyzmet kórsetýsiz kezek kútý tártibimen kórsetiledi. 9. Kórsetiletin qyzmetti alýshy kórsetiletin qyzmetti berýshige ótinish bergen kezde memlekettik qyzmet kórsetý úshin qajetti qujattardyń tizbesi: 1) osy memlekettik kórsetiletin qyzmet standartyna 2-qosymshaǵa sáıkes nysan boıynsha ótinish; 2) jeke basyn kýálandyratyn qujattyń kóshirmesi; 3) jańa jumys orny boıynsha kadr qyzmeti kýálandyrǵan eńbek kitapshasynyń kóshirmesi; 4) azamattardy tirkeý kitabynyń nemese tıisti eldi mekende turatynyn rastaıtyn mekenjaı anyqtamasy; 5) bilimi týraly dıplomnyń kóshirmesi; 6) jyljymaıtyn múlikti baǵalaý aktisi (bıýdjettik kredıt alý úshin); 7) turǵyn úı salý úshin berilgen jer ýchaskesin paıdalaný quqyǵyna akt. Qujattar salystyrý úshin túpnusqada jáne kóshirme túrinde usynylady, sodan keıin qujattardyń túpnusqasy ótinish bergen kúni kórsetiletin qyzmetti alýshyǵa qaıtarylady. 3. Memlekettik qyzmet kórsetý máseleleri boıynsha ortalyq memlekettik organdardyń, aýdandardyń, oblystyq mańyzy bar qalalardyń jergilikti atqarýshy organdarynyń, sondaı-aq kórsetiletin qyzmetti berýshilerdiń jáne (nemese) olardyń laýazymdy adamdarynyń sheshimderine, áreketine (áreketsizdigine) shaǵymdaný tártibi 10. Kórsetiletin qyzmetti berýshiniń sheshimderine, áreketine (áreketsiz­digine) shaǵymdaný: shaǵym joǵary turǵan ýákiletti organ basshysynyń atyna beriledi. Dóreki qyzmet kórsetilgen jaǵdaıda, shaǵym kabınetiniń nómiri ýákiletti organnyń stendinde kórsetilgen ýákiletti organ basshysynyń atyna beriledi. Shaǵym jazbasha nysanda resimdeledi. Shaǵymda shaǵym bergen adamnyń tegi, aty, ákesiniń aty (jeke basyn kýálandyratyn qujatta bolǵan jaǵdaıda), pochta mekenjaıy, telefony, shaǵym bergen kúni men qoly kórsetiledi. Qolma-qol jáne pochtamen túsken shaǵymdy qabyldaýdy rastaý kórsetile­tin qyzmetti berýshiniń keńsesinde jeke jáne zańdy tulǵalardyń ótinishteri jýrnalynda onyń tirkelýi (mórtaban, kiris nómiri, tirkelgen kúni shaǵymnyń ekinshi danasyna nemese shaǵymǵa ilespe hatqa qoıylady) bolyp tabylady. Kórsetiletin qyzmetti alýshyǵa onyń shaǵymyn qabyldaǵanyn rastaý úshin shaǵymnyń kóshirmesine kiris nómiri, kúni, shaǵymdy qabyldaǵan adamnyń aty-jóni, tıisti keńseniń baılanys telefony kórsetilgen mórtaban qoıylady. Shaǵymdy qaraý nátıjeleri týraly kórsetiletin qyzmetti alýshyǵa pochta arqyly jabasha túrde habarlanady. Sonymen qatar, kórsetiletin qyzmetti berýshiniń qyzmetkeriniń áreketine (áreketsizdigine) shaǵymdaný tártibi týraly aqparatty memlekettik qyzmet kórsetý máseleleri jónindegi biryńǵaı baılanys ortalyǵynyń 1414 telefony boıynsha alýǵa bolady. Memlekettik kórsetiletin qyzmettiń nátıjesimen kelispegen jaǵdaıda, kórsetiletin qyzmetti alýshy memlekettik kórsetiletin qyzmettiń sapasyn baǵalaý jáne baqylaý jónindegi ýákiletti organǵa shaǵymdana alady. Ortalyq memlekettik organnyń, oblystyń, aýdannyń, oblystyq mańyzy bar qalanyń jergilikti atqarýshy organynyń, qaladaǵy aýdan, aýdandyq mańyzy bar qala, kent, aýyl, aýyldyq okrýg ákiminiń, kórsetiletin qyzmetti berýshiniń atyna kelip túsken kórsetiletin qyzmetti alýshynyń shaǵymy tirkelgen kúninen bastap bes jumys kúni ishinde qaralýǵa jatady. Memlekettik qyzmet kórsetý sapasyn baǵalaý jáne baqylaý jónindegi ýákiletti organǵa kelip túsken kórsetiletin qyzmetti alýshynyń shaǵymy tirkelgen kúninen bastap on bes jumys kúni ishinde qaralýǵa jatady. 11. Kórsetilgen memlekettik qyzmet nátıjelerimen kelispegen jaǵdaıda kórsetiletin qyzmetti alýshynyń zańnamada belgilengen tártippen sotqa júginýge quqyǵy bar. 4. Memlekettik qyzmet kórsetý erekshelikteri eskerilgen ózge de talaptar 12. Memlekettik qyzmetti kórsetý mekenjaıy Mınıstrliktiń www.minregion.gov.kz mekenjaı boıynsha ınternet-resýrsynda, «Memlekettik organnyń qyzmeti» bóliminiń «Memlekettik kórsetiletin qyzmetter men standarttar» kishi bóliminde ornalastyrylǵan. 13. Kórsetiletin qyzmetti alýshynyń memlekettik qyzmetti kórsetýdiń tártibi jáne mártebesi týraly aqparatty memlekettik qyzmet kórsetý máseleleri jónindegi biryńǵaı baılanys ortalyǵy arqyly qashyqtan qoljetimdilik rejıminde alýǵa múmkindigi bar 14. Memlekettik qyzmetti kórsetý máseleleri jónindegi anyqtama qyzmetteriniń baılanys telefondary www.minregion.gov.kz ınternet-resýrsynda, «Memlekettik organnyń qyzmeti» bóliminiń «Memlekettik qyzmetter men standarttar» kishi bóliminde kórsetilgen. Memlekettik qyzmet kórsetý máseleleri jónindegi biryńǵaı baılanys ortalyǵy: 1414. «Aýyldyq eldi mekenderge jumys isteýge jáne turýǵa kelgen densaýlyq saqtaý, bilim berý, áleýmettik qamsyzdandyrý, mádenıet, sport jáne veterınarııa mamandaryna áleýmettik qoldaý sharalaryn usyný» memlekettik kórsetiletin qyzmet standartyna 1-qosymsha Aýyldyq eldi mekenderge jumys isteýge jáne turýǵa kelgen densaýlyq saqtaý, bilim berý, áleýmettik qamsyzdandyrý, mádenıet, sport jáne veterınarııa mamandaryna áleýmettik qoldaý sharalaryn usyný týraly úlgi kelisim Eldi meken _________ 20 ___ jylǵy «__»__________ Budan ári «Ákimshi» dep atalatyn «__________________» memlekettik mekemesi atynan basshy ________________________________ bir taraptan, budan ári «Alýshy» dep atalatyn áleýmettik kómek alýshy ____________________ ekinshi taraptan jáne budan ári «Senim bildirilgen ókil (agent)» dep atalatyn ____________________________ úshinshi taraptan tómendegiler týraly osy ózara mindettemeler kelisimin jasasty: 1. Kelisimniń nysanasy 1. Taraptar ózara jaýapkershilikti jáne kelisimdi eskere otyryp, eshbir taraptyń májbúrleýinsiz taraptar tolyq kólemde oryndaýy tıis mindettemeler qabyldaıdy, atap aıtqanda: 1) ákimshi, _____________máslıhatynyń (20 ___ jylǵy «__»_______ №_____) sheshiminiń negizinde ózine mynadaı túrdegi áleýmettik qoldaý sharalaryn usyný mindettemelerin qabyldaıdy: _____________________________ teńge mólsherinde kóterme járdemaqy; ___ jyl merzimge _________ teńge somasynda turǵyn úı satyp alýǵa nemese salýǵa bıýdjettik kredıt; 2) alýshy ózine joǵaryda kórsetilgen áleýmettik qoldaý sharalaryn alǵan kezde ________________ eldi mekeninde ornalasqan __________ (densaýlyq saqtaý, bilim berý, áleýmettik qamsyzdandyrý, mádenıet, sport, veterınarııa) uıymynda keminde bes jyl ýaqyt qyzmet isteýge mindetteme qabyldaıdy; 3) senim bildirilgen ókil (agent) ózine tapsyrma sharty negizinde ákimshiniń atynan jáne onyń esebinen jáne onyń nusqaýyna sáıkes bıýdjettik kredıt berýge baılanysty belgili bir tapsyrmalardy oryndaýǵa mindetteme qabyldaıdy. 2. Taraptardyń quqyqtary men mindettemeleri 1. Ákimshi: 1) alýshydan osy Kelisimge sáıkes ózine alǵan mindettemelerdi adal jáne tıisinshe oryndaýdy talap etýge quqyly. 2. Ákimshi: 1) aýdan (oblystyq mańyzy bar qala) ákimdiginiń qaýlysy qabyldanǵannan keıin on jumys kúni ishinde jáne osy Kelisim negizinde kóterme járdemaqysynyń taǵaıyndalǵan somasyn alýshynyń jeke esep shotyna aýdarýǵa mindetti. 3. Alýshynyń: 1) komıssııanyń jumys organynyń talaby boıynsha qajetti qujattardy tapsyrý kezinde áleýmettik qoldaý sharalaryn erikti túrde tańdaýǵa; 2) bes jyl merzim ótkenge deıin óndiristik jaǵdaılarǵa nemese ákimshi­liktiń bastamasyna baılanysty basqa aýyldyq eldi mekenderge jumysqa aýysqan kezde alynǵan áleýmettik qoldaý sharalaryna quqyǵyn saqtap qalýǵa quqyǵy bar. 4. Alýshy: 1) áleýmettik qoldaý sharalaryn alǵan kúnnen bastap 60 jumys kúni ishinde komıssııanyń jumys organyna bıýdjet qarajatynyń maqsatty paıdalanylǵany týraly rastaý qujattaryn berýge; 2) menshigine satyp alynǵan/salynǵan jyljymaıtyn múlikti ádilet organdarynda tirkegennen keıin senim bildirilgen ókilge (agentke) turǵyn úıge arnalǵan qujattardyń túpnusqalaryn osy Kelisimdi keminde bes jyl merzimge qamtamasyz etý jónindegi kepil retinde berýge; 3) jumys organyna toqsan saıyn jumys ornynan anyqtama usynýǵa; 4) osy Kelisimniń sharttary oryndalmaǵan jaǵdaıda, áleýmettik qoldaý sharalary retinde alynǵan bıýdjet qarajatyn tolyq kólemde qaıtarýdy qamtamasyz etýge mindetti. 5. Senim bildirilgen ókildiń (agent): 1) alýshymen esep aıyrysýdy júrgizýge; 2) alýshynyń qarjylyq jaǵdaıyna monıtorıng júrgizýge quqyǵy bar. 6. Senim bildirilgen ókil (agent): 1) Qazaqstan Respýblıkasynyń qoldanystaǵy zańnamasyna sáıkes bıýdjettik kredıtke qyzmet kórsetýge; 2) kredıttik shart boıynsha áleýmettik qoldaý sharalaryn alǵan maman mindettemeleriniń oryndalýyna monıtorıng júrgizýge; 3) Qazaqstan Respýblıkasynyń qoldanystaǵy zańnamasyna sáıkes alýshylardan bereshekti óndirip alýdy júzege asyrýǵa mindetti. 3. Daýlardy sheshý 1. Osy Kelisimdi oryndaý kezinde týyndaýy múmkin barlyq máseleler men kelispeýshilikter múmkindigine qaraı taraptardyń arasynda kelissózder jolymen sheshiletin bolady. 2. Eger daýlar men kelispeýshilikter kelissózder jolymen rettelmeıtin bolsa, olar Qazaqstan Respýblıkasynyń qoldanystaǵy zańnamasyna sáıkes sot tártibimen sheshilýge tıis. 4. Kelisimniń qoldanylý merzimi 1) Osy Kelisim taraptardyń qol qoıǵan kúninen bastap kúshine enedi. Kelisimniń qoldanysy 20___ jylǵy «__»____________ bastalady. 2) Kelisim birdeı zań kúshi bar úsh danada jasaldy. 5. Taraptardyń zańdy mekenjaılary Ákimshi Alýshy Senim bildirilgen ókil (agent) ________________ ______________ ________________ Aýyldyq eldi mekenderge jumys isteýge jáne turýǵa kelgen densaýlyq saqtaý, bilim berý, áleýmettik qamsyzdandyrý, mádenıet, sport jáne veterınarııa mamandaryna áleýmettik qoldaý sharalaryn usyný» memlekettik kórsetiletin qyzmet standartyna 2-qosymsha _________________ oblysy ____________ aýdanynyń (oblystyq mańyzy bar qalanyń) ákimi ________________________________ tegi, aty-jóni ________________________________ mekenjaıynda turatyn ótinish berýshiniń ________________________________ tegi, aty, ákesiniń aty ________________________________ jumys orny, qyzmeti О́tinish Sizden Kelisimniń (qosa berilip otyr) mólsherinde jáne sharttarynda maǵan kóterme járdemaqy tóleýińizdi jáne/nemese turǵyn úı satyp alýǵa/salýǵa bıýdjettik kredıt resimdeýge quqyq berýińizdi suraımyn. ________ ________________ kúni qoly Qujattar qabyldandy: 20__jylǵy «___» _________ ___________ ___________________________________________________ qoly qujattardy qabyldaǵan laýazymdy tulǵanyń T.A.Á. _____________________________________________________________ (kesý syzyǵy) О́zgerister týyndaǵan jaǵdaıda, olar týraly 15 jumys kúni ishinde habarlaýǵa mindettenemin. Durys emes málimetter men jasandy qujattar bergenim úshin jaýapkershilik týraly maǵan eskertildi. Azamat ____________ ótinishi qosa berilgen sany ________ dana qujattarmen birge 20__jylǵy «__»_________________ qabyldandy. ___________ _____________________________________________ qoly qujattardy qabyldaǵan laýazymdy adamnyń T.A.Á. Qazaqstan Respýblıkasy Úkimetiniń 2014 jylǵy 12 aqpandaǵy №80 qaýlysyna qosymsha Qazaqstan Respýblıkasy Úkimetiniń kúshi joıylǵan keıbir sheshimderiniń tizbesi 1. «Aýyldyq eldi mekenderge jumys isteýge jáne turýǵa kelgen densaýlyq saqtaý, bilim berý, áleýmettik qamsyzdandyrý, mádenıet, sport jáne veterınarııa mamandaryna áleýmettik qoldaý sharalaryn usyný» memlekettik qyzmet standartyn bekitý týraly» Qazaqstan Respýblıkasy Úkimetiniń 2011 jylǵy 31 qańtardaǵy № 51 qaýlysy (Qazaqstan Respýblıkasynyń PÚAJ-y, 2011 j., № 16, 187-qujat). 2. Qazaqstan Respýblıkasy Úkimetiniń «Aýyldyq eldi mekenderge jumys isteý jáne turý úshin kelgen densaýlyq saqtaý, bilim berý, áleýmettik qamsyzdandyrý, mádenıet jáne sport mamandaryna áleýmettik qoldaý sharalaryn usyný mólsherin jáne erejesin bekitý týraly» 2009 jylǵy 18 aqpandaǵy № 183 jáne «Aýyldyq eldi mekenderge jumys isteýge jáne turýǵa kelgen densaýlyq saqtaý, bilim berý, áleýmettik qamsyzdandyrý, mádenıet jáne sport mamandaryna áleýmettik qoldaý sharalaryn usyný» memlekettik qyzmet standartyn bekitý týraly» 2011 jylǵy 31 qańtardaǵy № 51 qaýlylaryna ózgerister men tolyqtyrý engizý týraly» Qazaqstan Respýblıkasy Úkimetiniń 2011 jylǵy 8 qyrkúıektegi № 1030 qaýlysynyń 1-tarmaǵynyń 2) tarmaqshasy (Qazaqstan Respýblıkasynyń PÚAJ-y, 2011 j., № 53, 754-qujat). 3. «Ishki kóship-qonýshylardy tirkeý qaǵıdalaryn bekitý jáne Qazaqstan Respýblıkasy Úkimetiniń keıbir sheshimderine ózgerister engizý týraly» Qazaqstan Respýblıkasy Úkimetiniń 2011 jylǵy 1 jeltoqsandaǵy № 1427 qaýlysymen Qazaqstan Respýblıkasy Úkimetiniń keıbir sheshimderine engiziletin ózgeristerdiń 17-tarmaǵy (Qazaqstan Respýblıkasynyń PÚAJ-y, 2012 j., № 5, 93-qujat). 4. «Qazaqstan Respýblıkasy Úkimetiniń keıbir sheshimderine ózgerister engizý týraly» Qazaqstan Respýblıkasynyń 2012 jylǵy 28 maýsymdaǵy № 869 qaýlysymen Qazaqstan Respýblıkasy Úkimetiniń keıbir sheshimderine engiziletin ózgeristerdiń 3-tarmaǵy (Qazaqstan Respýblıkasynyń PÚAJ-y, 2012 j., № 61, 830-qujat).