«Búgin Úshtóbe qalasyndaǵy «KazSilicon» MK» kásipornynda jumys saparymen boldyq. Kóptegen jyldar boıy toqtap qalǵan kásiporynnyń jańa ıelerimen tehnıkalyq kremnıı óndirisin iske qosýǵa kelistik. Kásiporyn jandanǵan kezde 220-dan astam jumys orny qurylady», dep jazdy Qanat Bozymbaev.
«KazSilicon» metallýrgııalyq kombınaty» JShS – Qazaqstan aýmaǵyndaǵy metallýrgııalyq kremnıı óndiretin alǵashqy zaýyt. О́ndiris 2006 jyly Úshtóbe qalasynda iske qosyldy.
Kombınat shıkizat retinde zaýyttan 25 shaqyrym jerde ornalasqan óziniń «Sarykól» ken ornynyń talshyqty kvarsyn paıdalanady.
2011 jyly «KazSilicon» MK» JShS jarǵylyq úlesiniń 100%-yn «KAZPV qazaqstandyq kremnııi negizinde fotoelektrlik modýlder óndirisin qurý» strategııalyq ınvestısııalyq jobasyn iske asyrý sheńberinde «Qazatomónerkásip» UAK» AQ satyp aldy.
