Jıynda Qasym-Jomart Toqaev Erlan Turǵymbaevty Ishki ister mınıstri qyzmetinen bosatý jáne Marat Ahmetjanovty vedomstvo basshylyǵyna taǵaıyndaý týraly jarlyqtarǵa qol qoıǵanyn habarlady.
Prezıdent qańtar oqıǵasy kezinde arandatýshylar men radıkaldy kúshterdiń soqqysyna birinshi bolyp ishki ister organdarynyń qyzmetkerleri keýdesin tosqanyn atap ótti.
Onyń aıtýynsha, kóptegen qyzmetker óziniń mindetine adal bolyp, quqyqtyq tártip pen azamattardyń qaýipsizdigin qamtamasyz etý kezinde tabandylyq pen batyldyqtyń úlgisin kórsetti.
Budan bólek Prezıdent tergep-tekserý jumystary barysynda zańdylyqty qamtamasyz etip, azamattardyń quqyǵyn saqtaý qajet ekenine erekshe nazar aýdardy.
«Osy qaıǵyly jaǵdaı ishki ister organdary júıesinde kemshilikterdiń kóp ekenin kórsetti. Ony ashyq aıtý kerek. О́tken isten barynsha sabaq alyp, mundaı oqıǵaǵa jol bermeý úshin barlyq olqylyqtardy anyqtap, joıý kerek. Sondaı-aq qylmyskerler men arandatýshylardyń bárin taýyp, zańǵa sáıkes jaýapqa tartý qajet. Biraq ruqsat etilmegen tergep-tekserý ádisterine múlde jol bermeý kerek», dedi Prezıdent.
Memleket basshysynyń pikirinshe, ishki ister organdary quqyqtyq tártip pen azmattarymyzdyń qaýipsizdigin qamtamasyz etýdiń kepili bolýǵa tıis.
Memleket basshysy jańa mınıstrge azamattardyń quqyqtaryn qorǵaý deńgeıin arttyrýǵa jáne zańdy múddelerin saqtaýǵa, halyqtyń polısııaǵa degen senimin nyǵaıtýǵa tapsyrma berdi.
Sondaı-aq ishki ister organdaryn reformalaý, sonyń ishinde polısııa qyzmetine servıstik model engizý, qyzmetkerlerdi irikteýdiń sapasy men daıyndyǵyn kúsheıtý jumystaryn jalǵastyrý qajet ekenin aıtty.
