Bul týraly QR Premer-Mınıstri Álıhan Smaıylov Úkimet otyrysynda málim etti.
«Álemde bolyp jatqan jaǵdaılarǵa baılanysty halqymyzdyń alańdaýshylyǵy oryndy. Qoǵamda kóptegen saýal bar. Sózsiz, bul jaǵdaı bizdiń ekonomıkamyzǵa da áser etpeı qoımaıtyny túsinikti. Memleket basshysynyń tapsyrmasyna sáıkes, birneshe kúnnen beri ózderińizben aqyldasyp tıisti sheshimder qabyldadyq. Osylaısha Úkimet pen Ulttyq bank birlesken is-qımyl josparyn iske asyrýǵa kiristi», dedi Úkimet basshysy.
Onyń aıtýynsha, atalǵan jospar ınflsııany baqylaýda ustaýǵa, valıýta naryǵyndaǵy turaqtylyqty saqtaýǵa, jumyspen qamtýdy qoldaýǵa baǵyttalyp otyr.
«Sonymen qatar jańa jumys oryndaryn qurý men kásipkerlikti damytýǵa arnalǵan sharalardan turady. Atap aıtsaq, qarjy naryǵynyń, teńgelik depozıtterdiń turaqtylyǵyn qamtamasyz etýi úshin Úkimet Ulttyq bankpen birlese otyryp, teńgelik salymdardy qoldaý baǵdarlamasyn iske asyrady. Oǵan sáıkes, teńge depozıtteri boıynsha syılyqaqy qosý kózdelgen», dedi Álıhan Smaıylov.
