Prezıdentke zardap shekken kásipkerler tarapynan túsken ótinishterdiń bári qarastyrylyp jatqany týraly málimet berildi. Jergilikti ákimdiktiń aqparatyna sáıkes, qazir barlyǵy 1 236 ótinish qoldaý tapqan. Jalpy 6,191 mlrd teńge kómekke bólindi. Sonymen qatar jýyq arada shyǵyn kólemi shamamen 20 mıllıard teńge bolatyn taǵy 170-ke jýyq ótinish qaralatyny aıtyldy.
Budan keıin Qasym-Jomart Toqaev zardap shekken orta jáne shaǵyn bıznes ókilderimen kezdesti. Memleket tarapynan shyǵyny ótelgen jeke kásipkerler qoldaý kórsetkeni úshin Qasym-Jomart Toqaevqa alǵys aıtty. Prezıdent shaǵyn jáne orta bızneske qoldaý jalǵasatynyn, zardap shekkenderdiń shyǵyny óteletinin jetkizdi. Memleket basshysy kásipkerlermen kezdesýden keıin nysandaǵy qalpyna keltirilgen saýda núktelerin aralady.
