Eske salaıyq, kollektorlyq agenttikterdiń ornyqtylyǵyn qamtamasyz etý úshin 2021 jyly «Kollektorlyq qyzmet týraly» Zańda kollektorlyq agenttikterdiń jarǵylyq kapıtalynyń eń tómen mólsheri týraly norma belgilengen.
«Naryqty shoǵyrlandyrý jáne kollektorlyq qyzmetterdiń sapasyn arttyrý maqsatynda aǵymdaǵy jylǵy 22 aqpanda jumys istep turǵan kollektorlyq agenttikter úshin jarǵylyq kapıtaldyń mólsherin kezeń-kezeńmen arttyrýdy kózdeıtin agenttik basqarmasynyń №8 qaýlysy qabyldandy: 2022 jylǵy 1 shildeden bastap – 30 mln teńge, 2023 jylǵy 1 qańtardan bastap – 50 mln teńge. Bul rette jańadan ashylǵan kollektorlyq agenttikter úshin jarǵylyq kapıtaldyń eń tómen mólsheri 50 mln teńgeni quraıdy», delingen habarlamada.
Qazirgi ýaqytta jarǵylyq kapıtalǵa qoıylatyn eń tómen talaptardy oryndamaǵan kollektorlyq agenttikterge qatysty Agenttik olardyń qyzmetin toqtatý boıynsha jumys júrgizýde.
