Kúni keshe ǵana jaqsy bir jańalyqty qulaǵymyz shaldy. WBO nusqasy boıynsha ýaqytsha álem chempıony ataǵy úshin Jánibek Álimhanuly Ulybrıtanııanyń ókili Dennı Dıgnýmmen aıqasady. Bul aqparatty áıgili MTK Global kompanııasynyń promoýteri Lı Iton taratyp otyr. Qazirgi kezde qos tarap ortaq mámilege kelgenge uqsaıdy. Osylaısha, boks dese delebesi qozatyn jankúıerler asa qyzyqty jekpe-jektiń kýási bolady. Chempıondyq táj úshin bul básekeniń 21 mamyrda AQSh-ta ótetini anyq. Al sol Jánibekke qarsylas atanyp otyrǵan boksshy jaıynda biz ne bilemiz?
17 naýryzda 30 jasqa tolǵan Dennı Dıgným Ulybrıtanııanyń Esseks qalasynda dúnıege keldi. Áýesqoılar arasynda birqatar halyqaralyq jarystarda júlde alǵan ol 2013 jyly Reseıdiń Sankt-Peterbýrg qalasynda ótken Dúnıejúzilik jekpe-jek oıyndarynda qola medaldy ıelendi. Dennıdiń kásipqoı rıngte óner kórsetip júrgenine jeti jylǵa jýyqtady. Sol aralyqta 15 kezdesý ótkizip, 14 ret jeńiske jetti. Segiz básekede aıqyn basymdyq tanytty. О́ziniń sońǵy jekpe-jegin Dıgným byltyrǵy kóktemde reseılik Andreı Sırotkınmen ótkizdi. Bul básekede teń esep tirkeldi.
Jankúıerlerdiń deni Jánibektiń bul jekpe-jekte jeńiske jetetinine esh kúmán keltirmeıdi. О́ıtkeni qazaq boksshysynyń áýesqoı rıngtegi tabysy qarsylasyna qaraǵanda áldeqaıda zor. Ol – álem jáne Azııa chempıony, Azııa oıyndarynyń jeńimpazy. Kásipqoılar arasynda da Álimhanuly óziniń myqtylyǵyn moıyndatyp úlgerdi. Osy oraıda, bul básekeniń qandasymyzǵa bereri kóp ekenin aıta ketýge tıispiz. Eger ol bul aıqasty óz paıdasyna sheshse, onda WBO-nyń nemese taǵy basqa beldi nusqanyń biriniń tolyqqandy chempıondyq ataǵy úshin talasýǵa múmkindik alady.
