2022 jylǵy 28 naýryzda Nur-Sultan qalasynda QR Premer-Mınıstri Álıhan Smaıylovtyń tóraǵalyǵymen Daǵdarysqa qarsy sharalar jónindegi jedel shtabtyń kezekti otyrysy ótti.
Keńeste Qazaqstan Respýblıkasynyń qurylys jáne turǵyn úı salalaryn damytý perspektıvasy qaraldy.
Indýstrııa jáne ınfraqurylymdyq damý mınıstrliginiń aldyn ala boljamdary boıynsha 2022-2025 jyldar aralyǵynda Qazaqstanda 62 mln sharshy metr turǵyn úı salynady dep kútilýde. Sonymen qatar 5 201 memlekettik nysannyń qurylysy júrgizilip jatyr, onyń 2 137-si memleket qarajaty esebinen salynýda.
Qazirgi kezde 286 nysannyń qurylysy toqtatyldy. 84 nysanda jumystardyń toqtaýyna baǵanyń qymbattaýy sebep bolsa, 202 qurylys basqa da sebepter boıynsha (aýa raıyna, maýsymdyq shekteýler jáne t.b. baılanysty) toqtatyldy. QR ındýstrııa jáne ınfraqurylymdyq damý mınıstri Qaıyrbek О́skenbaevtyń aıtýynsha, árbir nysan boıynsha jaǵdaı saraptalyp, jumystardy qaıta bastaý múmkindigi qarastyrylyp jatyr.
QR Premer-Mınıstri nysandardy salýǵa ótkiziletin memlekettik konkýrstardyń josyqsyz uıymdastyrýshylaryn jaýapkershilikke tartý boıynsha sharalar qabyldaýdy tapsyrdy.
«Bıýdjettik qarjylandyrýsyz qurylystarǵa konkýrstar jarııalanady. Bul – zań tártibin buzý. Kináli tulǵalardy tıisti jaýapkershilikke tartýdy qarastyrý qajet», dedi Álıhan Smaıylov.
Sondaı-aq memlekettik qurylysqa jumsalatyn shyǵyndardy azaıtý maqsatynda Premer-Mınıstr Indýstrııa jáne ınfraqurylymdyq damý mınıstrligine múddeli memlekettik organdarmen jáne uıymdarmen birlesip, jobalaý-smetalyq qujattama qunyna baǵa belgilenýine taldaý júrgizýdi tapsyrdy.
