QazUÝ qalashyǵyndaǵy kóktem merekesi Ál-Farabı kitaphanasy alańynda shyrsha otyrǵyzýdan bastaldy. Ýnıversıet rektory Janseıit Túımebaev sheteldik oqytýshy-professorlarmen jáne fakýltet dekandarymen birlesip qalashyq aýmaǵyna 100-ge jýyq shyrsha otyrǵyzdy.
Ulystyń Uly merekesine arnaıy shaqyrylǵan meımandar ýnıversıtet aýmaǵynda qurylǵan 20 kıiz úıdi aralap, naýryz dastarhanynan dám tatty. Aǵa býyn ókilderi jastarǵa batalaryn berip, shejireden biraz syr shertti.
Merekelik shara konserttik baǵdarlamamen jalǵasty. QazUÝ-daǵy naýryz meıramyna kelgen qonaqtardyń qatarynda Almaty qalasynyń ákimi Erbolat Dosaev, UǴA Prezıdenti Murat Jurynov, ózge de belgili ǵalymdar, JOO rektorlary, belgili ǵalymdar, qalamgerler men BAQ ókilderi boldy.
Ál-Farabı atyndaǵy QazUÝ-dyń Basqarma Tóraǵasy-rektory Janseıit Túımebaev jınalǵandardy Naýryz merekesimen quttyqtap, ystyq lebizin bildirdi. О́z sózinde bilim ordasynyń basshysy Naýryz yntymyq pen birliktiń merekesi ekenin jetkizdi.
«Ulystyń Uly kúni – Naýryz merekesi qutty bolsyn! Bul kúni Jer-Ana qaıta túlep, dúnıe erekshe kúıge enedi. Halqymyzdyń uǵymynda áz-Naýryz jańarý men jańǵyrýdyń, úmit pen senimniń sımvoly. Kóktemgi merekede dostyq pen tatýlyq, qazaqy qonaqjaılyq dáripteledi. Urpaqtar sabaqtastyǵy saltanat qurady. Úlkenge qurmet, kishige izet kórsetiledi. Berekesi uıyǵan egemen elimizdiń bolashaǵy jarqyn bolsyn», dedi ýnıversıtet rektory.
Ýnıversıtettiń Baspasóz qyzmetiniń málimetinshe, merekelik konsert arnaıy daıyndalǵan teatrlandyrylǵan qoıylymmen jalǵasty. Kópshilik nazaryna tusaýkeser, qyz uzatý, betashar syndy qazaqtyń salt-dástúrleri kórsetildi. Sondaı-aq, qazaq estradasynyń juldyzdary men ýnıversıtettiń ónerli jastary án aıtyp, bı bılep, kórermenderge kóterińki kóńil-kúı syılady.
Sonymen qatar, naýryz meıramy aıasynda qazaqtyń ulttyq sport túrlerinen jarystar ótkizilip, zergerlik buıymda men kitap kórmesi uıymdastyryldy.
QazUÝ-daǵy Naýryz meıramyna qatysqan memleket jáne qoǵam qaıratkeri Amandyq Batalov «QazUÝ qalashyǵyndaǵy naýryz meıramyna birinshi ret qatysýym. Erekshe kóńil-kúıdemin. Barlyǵy joǵary deńgeıde ótip jatyr. QazUÝ jalyndy jáne bilimdi jastardyń ordasy. Naýryz ár shańyraqqa shattyq pen qýanysh ákelsin! Elimizdiń irgesi berik bolsyn», dep aqjarma tilegin bildirdi.
Aıta keteıik, Ál-Farabı atyndaǵy QazUÝ-da Ulystyń Uly kúnin toılaý 14 naýryz – «Kórisý kúninen» bastaý alǵan bolatyn. Aptalyq aıasynda «Jaılaý kúni», «Shejire kúni», «Tarıhqa taǵzym kúni», «Igi ister kúni», «Shymyrlyq pen sheberlik kúni», «Zııatkerlik kúni», «Ulttyq taǵamdar kúni», «Ulystyń uly kúni», «Joralǵy kúni» ótkizildi.
