Qoǵam • 07 Sáýir, 2022

Senat depýtaty Úkimet pen ákimdiktiń jumysyn synady

65 ret kórsetildi

Senat depýtaty Sergeı Ershov Úkimet pen ákimdikterdiń jumysyn synǵa aldy, dep habarlaıdy Egemen.kz.

«Qazaqstanda kóktem mezgili kelgen saıyn sý tasqyndary bolady. Jergilikti sheneýnikter sý tasqyny men sý basýdyń aldyn alý boıynsha qabyldanǵan sharalar týraly, sondaı-aq eldi mekenderdi qorǵaý, ózen arnalaryn tazartý, kópirler men gıdrotehnıkalyq qurylystardy qaıta jańartý jónindegi jumystar týraly baıandaıdy. Alaıda, ókinishke qaraı, jaǵdaı túbegeıli ózgermeıdi... Buǵan BQO, Aqtóbe, Aqmola, SQO jáne Qaraǵandy oblystaryndaǵy jaǵdaı dálel. Sý tasqynyn joıý boıynsha kúndelikti málimetter kóńil kónshitpeıdi, tutas eldi mekenderdi sý basty. Azamattar baspanasynan, múlikterinen aıyrylyp jatyr, sonyń saldarynan  memleket te  ekonomıkalyq shyǵyndarǵa ushyrap otyr», dedi Senat depýtaty Sergeı Ershov.

Onyń málimeti boıynsha, gıdrotehnıkalyq qurylystardyń jaǵdaıy erekshe alańdaýshylyq týǵyzady, al keıbir jaǵdaılarda olardyń basym kópshiligi ótken ǵasyrdyń 60-70 jyldary salynǵan jáne qazirgi ýaqytta fızıkalyq jáne moraldyq jaǵynan 40% - ǵa deıin tozǵan. Sonymen qatar, Qazaqstandaǵy gıdrotehnıkalyq qurylystardyń jartysyna jýyǵy apatty jaǵdaıda jáne jóndeýdi nemese jańǵyrtýdy qajet etedi.

Ony QR Parlamenti Senatynyń tóraǵasy Máýlen Áshimbaev qoldady.

«О́te ózekti másele. Búgin birqatar óńir sý tasqynyna tap boldy. Jyl saıyn bul máseleni depýtattar men jurtshylyq kóteretinine qaramastan, jergilikti atqarýshy organdar, mınıstrlikter bul jaǵdaıǵa daıyn emes sııaqty», dedi Máýlen Áshimbaev.

Sońǵy jańalyqtar

Dollar arzandady

Ekonomıka • Búgin, 16:52

Qosshyda jańa mektep ashylady

Bilim • Búgin, 16:25

Almatyda esirtki tasymalynyń joly kesildi

Aımaqtar • Búgin, 14:55

Hamenova óz kinásin moıyndaǵan joq

Qoǵam • Búgin, 14:16

Qazaqstanda jylqy eti qymbattady

Qoǵam • Búgin, 14:02

Pavlodarda joǵalǵan ana men bala tabyldy

Aımaqtar • Búgin, 11:40

Uqsas jańalyqtar