Aımaqtar • 10 Sáýir, 2022

ShQO-da úılerin sý basqan turǵyndar evakýasııalandy

57 ret kórsetildi

Shyǵys Qazaqstan oblysy Borodýlıha aýdanynda sý basqan úılerden 36 adam evakýasııalandy, dep habarlaıdy Egemen.kz ShQO Tótenshe jaǵdaılar departamentiniń baspasóz qyzmetine silteme jasap.

Borodýlıha aýdanyndaǵy Úbe ózeninde sý deńgeıiniń kóterilýi jáne muz keptelýi saldarynan Rechnoe aýylynyń turǵyndary evakýasııalandy.

- 9 sáýir kúni tańerteń kóterilgen sý áýelde 2 úı men 3 úı mańyndaǵy aýmaqty basty. Qutqarýshylar 50-den astam maldy qaýipsiz jerge kóshirdi. 16 turǵyn, onyń ishinde 2 bala týystarynyń úılerine ornalastyryldy. Jergilikti atqarýshy organdar men qutqarýshylar muz keptelgen ýchaskege aerovızýaldy monıtorıng júrgizdi. Nátıjesinde, muzdy qopsytý maqsatynda jarylys jumystaryn júrgizý týraly sheshim qabyldandy. Barlyǵy 2347,5 keli jarylǵysh zattar qoldanyldy. Jarylys jumystarynyń jalpy aýdany 6067 sharshy metrdi qurady, - delingen aqparatta.

20 saǵat ishinde sý deńgeıi taǵy kóterilip, úılerge kire bastaǵan. Qazirgi ýaqytta barlyǵy 8 úı sý astynda qaldy. Qutqarýshylardyń baqylaýymen turǵyndar dereý úılerinen kóshirildi. 9-10 sáýir kúnderi 36 turǵyn, onyń ishinde 10 bala týystarynyń úıine ornalastyryldy.

Oqıǵa ornynda TJD jeke quramynan 69 adam, 2 júzý quraly, 11 motopompa jáne 8 tehnıka, jergilikti atqarýshy organdardan 20 qyzmetker jáne 8 tehnıka jumyldyrylǵan. Qoǵamdyq tártipti saqtaý jáne sý basqan úılerden tonaý faktilerin boldyrmaý úshin polıseıler kezekshilik etýde.

Qazirgi sátte ózende sý deńgeıiniń tómendeýi baıqalady.

Sońǵy jańalyqtar

Erlan Qııasov jańa qyzmetke taǵaıyndaldy

Taǵaıyndaý • Búgin, 20:10

Tamyz aıyndaǵy UBT aıaqtaldy

Bilim • Búgin, 19:53

Baqyt Sultanov qyzmetinen bosatyldy

Qazaqstan • Búgin, 18:00

Dollar arzandady

Ekonomıka • Búgin, 16:42

Soltústik óńirlerde qant qymbattady

Aımaqtar • Búgin, 14:01

Uqsas jańalyqtar