Qoǵam • 14 Sáýir, 2022

Jol qatelikti keshirmeıdi

265 ret kórsetildi

Ortalyq kommýnıkasııalar qyzmeti alańynda IIM Ákimshilik polısııa komıtetiniń tóraǵasy Atyǵaı Arystanovtyń qatysýymen jol qaýipsizdigin qamtamasyz etý máselelerine qatysty brıfıng ótti.

«Jol qaýipsizdigin qamtamasyz etý máselesi qaı kezde de nazary­myz­dan tys qalǵan emes. Bul másele tek polısııa qyzmetkerlerine ǵana emes, jalpy halyq úshin de ma­ńyzdy ekeni daýsyz. Jol erejelerin qatań qadaǵalaý, qaýiptiń aldyn alý jumystaryn júrgizgenine qaramastan, sońǵy bes jylda jyl saıyn jol-kólik oqıǵalarynan eki myńnan astam adamnyń mert bolatyny anyqtalǵan. Sondaı-aq ár jyl saıyn jıyrma myń azamat túrli dárejedegi dene jaraqatyn alady. Osy bir jantúrshigerlik statıstıkany boldyrmaý úshin qoǵam bop birlese jumys atqarǵanymyz abzal», dedi komıtet tóraǵasy.

A.Arystanovtyń málimdeýinshe, jyl bastalǵaly beri elimizde 2 600-den astam jol-kólik oqıǵasy tirkelgen. «О́kinishke qaraı, jol apattarynyń saldarynan 410 adam baqılyq boldy, 3 500 jolaýshy túrli dene jaraqattaryn aldy. Birinshi toqsannyń ózinde osyndaı jaǵdaılardyń tirkelýi barshamyzdy oılandyrýǵa tıis», dedi IIM ókili sońǵy derekter arqyly máseleniń mánisine úńilip.

Baspasóz máslıhatynda kel­ti­rilgen derekke zer salsaq, búginde elimizde 4 mln-nan astam kólik tirkelgen eken. Kólik sany artqan saıyn jol-kólik oqıǵalarynyń sany da kóbeıe túsken. «Sondyqtan kólik júrgizýshileri jol erejelerin saqtaýǵa basa nazar aýdarǵany durys», deıdi spıker.

«Jaıaý júrginshi jolaǵyndaǵy ereje buzýǵa qatysty 88 jol-kólik oqıǵasy tirkelgen, sonyń sal­darynan 22 adam kóz jumyp, 69 azamat jaraqat aldy. Jol-kólik oqıǵalarynyń 72 paıyzy eldi mekenderde tirkelgen», deıdi A.Arystanov.

Jol-kólik oqıǵalarynan zardap shekken balalardyń da sany az emes. Komıtet tóraǵasy keltirgen derekterge qaraǵanda, jol-kólik oqıǵalary saldarynan búginge deıin 30 bala qaza bolyp, 592-si túrli dárejedegi dene jaraqattarymen aýrýhanaǵa jetkizilgen.

«Jyl saıyn 1500 adam ómir boıy júrgizýshi kýáliginen aıyrylady, osy jyldyń ózinde 290 adam júrgizýshi kýáligimen qosh aıtys­ty. 15 kún ákimshilik qamaýǵa alý jáne 7 jylǵa júrgizýshi kýáliginen aıyrý sekildi qatań jazalardyń qoldanylǵanyna qaramastan, mundaı buzýshylyqtardyń 7,5 paıyzǵa ós­keni baıqalady. Sonymen qatar kólikti mas kúıinde basqarǵany úshin 5,7 myńǵa jýyq júrgizýshi ustaldy», dedi IIM ókili jaǵdaıdy túsindirip.

Sońǵy jańalyqtar

Aqyly joldaǵy ahýal qandaı?

Aımaqtar • Keshe

Buǵybulaý

Qazaqstan • Keshe

Júze bilý – ómir

Qoǵam • Keshe

О́lketanýshy

Qazaqstan • Keshe

Kebenek

Tarıh • Keshe

Sáýkele

О́ner • Keshe

Uqsas jańalyqtar