«Qazirgi geosaıası ahýaldy, sonymen qatar ózge de tájirıbelerimizdi saralaı kele óz kúshimizben, «Ulttyq aqparattyq tehnologııalar» AQ-ymen jasaımyz dep sheshtik. Bul platforma qazaqstandyq IT-kompanııalardyń kúshimen jasalady. Qazir tehnıkalyq-ekonomıkalyq saraptama jasalyp jatyr. Jyl sońyna deıin birinshi servıster daıyn bolady. Jobaǵa 2-3 jylda kóshemiz», dedi ol Ortalyq kommýnkasııalar qyzmetindegi baspasóz máslıhatynda BAQ ókilderiniń saýalyna oraı.
Buǵan deıin QR Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın Sberbankpen aradaǵy sıfrlyq platformanyń ornyna otandyq joba iske asyrylýy múmkin ekenin aıtqan bolatyn.
«Geosaıasattyń saldarynan biz áli sheshim qabyldaǵan joqpyz. Iаǵnı odan bas tartamyz ba nemese basqa tehnologııaǵa kóshemiz be degen másele pysyqtalyp jatyr. Biraq palatformaǵa kóshetinimiz anyq. Osy oraıda ózimiz jasaǵan júıe de bolýy múmkin. Biz bir jyldyń ishinde tıisti taldaý jumystaryn júrgizdik. О́zimiz jasaǵan platformaǵa belgili bir ýaqyt pen qarajat kerek bolady. Talqylaý aıaqtalǵan soń, bir aıdyń ishinde tolyq aqparatty jarııalaımyn», degen edi Baǵdat Mýsın.
