Qoǵam • 19 Sáýir, 2022

Balalardy bopsalaý eki esege azaıǵan

204 ret kórsetildi

Elimizde balalardyń quqyǵyn qorǵaý, kámeletke tolmaǵandardyń qaýipsizdigin qamtamasyz etý baǵytynda aýqymdy jumystar atqarylyp jatyr. Sodan da bolsa kerek, jasóspirimderge qatysty qylmystardyń qarasy sıreı túsken.

IIM Ákimshilik polısııa komıteti basqarma basshysynyń orynbasary Jasulan Jumanalınniń málimdeýinshe, bıyl kámeletke tolmaǵandarǵa qatysty jasalǵan qylmystardyń sany 17 paıyzǵa, onyń ishinde urlyq – 2,5, bopsalaý – 2, buzaqylyq pen tonaý úshten bir esege azaıǵan. Bul jóninde IIM ókili Ortalyq kommýnıkasııalar qyzmeti alańynda ótken baspasóz máslıhatynda habarlady.

J.Jumanalınniń aıtýynsha, zorlaý jáne seksýaldyq sıpattaǵy zorlyq-zombylyq áreketteri bar qylmystar aýyr qylmystar sanatyna aýystyrylǵan. «Mundaı qylmystarǵa barǵan adam men jábirlenýshi taraptyń tatýlasý múmkindigi tıisti zań boıynsha alynyp tastaldy», deıdi spıker. «Pedofılder endi eń joǵary qaýipsizdik mekemelerinde keshirim jáne merziminen buryn bosatý quqyǵynsyz ustalady. Pedagogterge quqyq qorǵaý organdaryna kámeletke tolmaǵandarǵa qarsy is-áreketter jasaý faktileri týraly dereý habarlaý mindeti júktelgen. Bul jerde barlyq qazaqstandyqqa balalarǵa qatysty ózderine belgili bolǵan zorlyq-zombylyq faktileri týraly dereý polısııa organdaryna habarlaý kerektigin aıtqym keledi. Bul máselede azamattyq jaýap­ker­shilik tanytyp, bireýdiń qasiretine nem­quraıdy qaramaýdy jáne mundaı qylmystardy jasyrmaýdy suraımyn», dedi mı­nıstrlik ókili baspasóz málıhatynda.

IIM ókili brıfıngte balalardyń jol qaýipsizdigin saqtaýyna ata-analar da jaýapty ekenin, bul máselege úlken­der jaǵy beıjaı qaramaýy qajettigin atap ótti.

«Buǵan deıin IIM Bilim jáne ǵylym mınıstrligimen birlesip, oqý oryndary úshin beınebaqylaý júıelerine qoıylatyn talaptardy bekitken bolatyn. Baqylaý qurylǵylaryn ornatý oryndary, beınederekterdi saqtaý merzimderi belgilendi. Sondaı-aq aýmaqtyq polısııa organdaryn jedel basqarý ortalyqtarynyń beınebaqylaý júıelerimen ıntegrasııalaý kózdelip otyr. Ákimdikter mektepterdi osyndaı júıelermen tolyq jabdyqtaý boıynsha jumys júrgizdi. Qazir beınebaqylaý kameralarynyń sanyn arttyrý jumystary jalǵasýda», dedi spıker. Sondaı-aq ol óz sózinde balalardyń qaýipsizdigin qamtamasyz etý boıynsha qolǵa alynǵan is-sharalar bıyl da jalǵasatynyn atap ótti.

Sońǵy jańalyqtar

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Qazaqstannyń eksport kólemi artty

Ekonomıka • Búgin, 09:52

Uqsas jańalyqtar