Ár azamattyń ómirinde jańa beles bastalady

Sarapshylar Memleket basshysy Q.Toqaevtyń Joldaýynda aıtylǵan saıası reformalarǵa oraı pikirlerin bildirip, stýdent jastar tarapynan qoıylǵan suraqtarǵa jaýap bere otyryp, reformalardyń júzege asýy, yqtımal táýekelder barysyna taldaý jasady.

Is-sharany júrgizgen «Qazaq­standyq qoǵamdyq damý ınstıtýty» KeAQ Basqarma tóraǵasy Qazbek Maıgeldınov saıası refor­malardyń jańa baǵdarlamasy res­pýblıka ómiriniń barlyq salasyna serpin beretin mańyzdy qadam ekenin atap ótti.

О́z kezeginde Ál-Farabı atyn­da­ǵy QazUÝ Fılosofııa jáne saıa­­­sat­­taný fakýltetiniń deka­ny Bek­jan Meıirbaev saılaý jú­ıe­­sindegi ózgerister, aza­ma­t­tar­­dyń saılaýǵa qatysý múm­kindigi tur­ǵy­synda oı bólisse, «Alter­natıva» zamanaýı zertteýler orta­ly­ǵynyń dırektory, saıasat­taný­shy Andreı Chebotarıov Qazaq­stan­nyń saıası ómirindegi mańyzdy oqıǵa konstıtýsııalyq refor­ma eken­digine toqtalyp, Mem­le­ket basshysynyń eldegi sa­ıası júıe­ni reformalaýdaǵy basym­dyq­tary jaıynda aıtyp ótti. Jarııa­lanǵan saıası refor­ma­lar­dyń mazmuny men sıpaty, onyń ishin­de sýperprezıdenttik bas­qarý mo­delinen shyǵýdy eskerý, eli­mizdiń negizgi zańyna túzetýler ár­bir qazaq­standyqtyń ómirine eleý­li ózgerister ákeletinine senim bildir­gen sarapshy konstıtýsııalyq refor­many referendým arqyly júzege asyrý elimizde ǵana emes, shet elderdegi jáne halyqaralyq uıymdar tarapynan da qoldaý tabatyny sózsiz ekenin atap ótti.

Elimizdiń damý keleshegine qatysty mańyzdy máselelerge toqtalǵan  saıasattanýshy Dına Aı­­kenovanyń aıtýynsha, bul ba­ǵyt­ta saıasat, odan keıin ekonomıka sa­la­syna mán beriledi. Iаǵnı saıası jú­ıe­niń transformasııasy eń aldy­men, saıa­sı minez-qulyq normalaryn, qun­dylyqtardy ózgertýge bastaıdy.

Prezıdent janyndaǵy QSZI bas sarapshysy, saıasattanýshy Ádil Kaýkenov Prezıdent Joldaýynda saıası júıeni júzege asyrýǵa je­teleıtin reformalardyń mańyz­dy baǵyttaryna toqtaldy. Joldaýda kóterilgen basymdyqtar, ásirese jergilikti bıliktiń kúsheıýine, osy kezge deıin nazardan tys qa­lyp kel­gen mańyzdy eldi meken­derdi da­mytýǵa yqpal etedi. Saıasat­taný­shynyń aıtýynsha, elde qolǵa alynatyn barlyq bastama endigi kezekte qańtar qasiretin qaıtalamaýǵa sabaq bolýǵa tıis.

Jıynǵa qatysýshylar elimizdegi qoǵamdyq-saıası ahýaldyń ózekti máselelerine oraı pikir bólisip, qalyptasqan jaǵdaıǵa saraptama jasady. Joldaýda kóterilgen ba­sym­dyqtar ár azamattyń ómiri­ne ózgeris ákelýi tıis. Al Jol­daýda kóz­delgen ózgerister qazaqstan­dyq­tardyń jarqyn keleshekke degen talpynysymen tyǵyz baılanysty.

ALMATY