Qazaqstan • 20 Sáýir, 2022

Baspasóz ortalyǵy ashyldy

43 ret kórsetildi

«Ashyq partııa» tujyrym­damasyn iske asyrý maqsatynda Amanat Ortalyq apparatynda kópfýnksıonaldy baspasóz ortalyǵy ashyldy. Munda turaqty túrde brıfıngter, baspasóz konferensııalary jáne medıa salasynyń ókilderimen túrli formattaǵy kezdesýler ótedi.

Amanat janyndaǵy baspa­sóz ortalyǵy partııanyń ha­lyq­pen keri baılanysynyń, par­tııalyqtardyń ashyqtyǵy men jarııalylyǵyn arttyryp, sondaı-aq BAQ-pen jumys isteýde jańa tásilderdi engizýdiń tıimdi quraldarynyń biri bolmaq.

«Naýryzda ótken kezekten tys sezde Qasym-Jomart Toqaev partııany jańǵyrtý, onyń ishinde saılaýshylarmen keri baılanysty kúsheıtýge jáne partııalyqtardyń qoǵammen ashyq jumys isteýin qamtamasyz etýge qatysty negizgi mindetterdi atap ótti. Saılaýaldy baǵdarla­ma­nyń oryndalýy, depýtattyq frak­sııanyń jumysy jáne par­tııa­lyq jobalardyń iske asyry­lýy týraly jedel aqparat berý maq­satynda ashylǵan kópfýn­k­sıonaldy baspasóz ortalyǵy – partııa qyzmetiniń ashyqtyǵyn qamtamasyz etý jolyndaǵy qadam­dardyń biri», dep atap ótti partııa hatshysy Rınat Kertaev.

Sondaı-aq baspasóz kon­feren­sııalary partııanyń áleý­met­tik jelidegi jeke paraqsha­larynda onlaın rejimde kórse­tiledi. Baspasóz ortalyǵy jýrnalıster men spıkerlerge yńǵaıly bolý úshin qajetti mýltımedıa quraldarymen jabdyqtalǵan. Amanat partııasy janyndaǵy bas­pasóz ortalyǵynyń jetek­shisi bolyp Qymbat Qalı taǵaıyn­daldy.

«Baspasóz ortalyǵy partııa­nyń kún tártibindegi ózekti má­se­leler boıynsha aqparatty talqylaý jáne taratý ornyna aınalýǵa tıis. Dástúrli baspasóz konferensııalarynan bólek, iskerlik ári beıresmı jaǵdaıda túrli kezdesýler uıymdastyrý úshin dıalog alańyn usynamyz», dedi Qymbat Qalı.

Baspasóz máslıhatynyń ne­giz­gi taqyryptary Amanat par­­tııa­sy depýtattyq fraksııa­sy­nyń zań shyǵarý bastamalary, qoǵamdyq keńester men Respýblıkalyq qoǵamdyq qabyldaý bólmesiniń qyzmeti, partııalyq jobalardy iske asyrý jáne saılaýaldy baǵdarlamany oryndaý bolady dep josparlanyp otyr.

Sońǵy jańalyqtar

Aqyly joldaǵy ahýal qandaı?

Aımaqtar • Keshe

Buǵybulaý

Qazaqstan • Keshe

Júze bilý – ómir

Qoǵam • Keshe

О́lketanýshy

Qazaqstan • Keshe

Kebenek

Tarıh • Keshe

Sáýkele

О́ner • Keshe

Uqsas jańalyqtar