Tanym • 27 Sáýir, 2022

«Mánshúk oqýlary» márege jetti

42 ret kórsetildi

Batys Qazaqstan oblysynda Keńes Odaǵynyń Batyry Mánshúk Mámetovanyń 100 jyldyǵy keń kólemde atalyp ótilýde. Jaqynda mektep oqýshylary qatysqan «Mánshúk oqýlary» oblystyq shyǵarmashylyq baıqaýy márege jetti.

Ataǵy Alashqa ortaq batyr qyzdyń erlik jolyn jetkinshek urpaqqa dáripteý maqsatynda uıymdastyrylǵan is-shara Batys Qazaqstan oblystyq mádenıet basqarmasy men oblystyq bi­lim basqarmasynyń qoldaýymen ótti. Baıqaý qorytyndysy Oral qalasyndaǵy Mánshúk Má­me­to­va memorıaldyq mýzeıinde shy­ǵaryldy.

Aıta keteıik, «Mánshúk oqý­lary­nyń» irikteý týry oblystyń barlyq aýdandarynda ótken bo­latyn. Baıqaýǵa qatysqan oqý­shy­lar 21 jasynda qan maıdanda qaza tapqan qaharman qyz­­dyń ómir joly, taǵdyry, ata-tegi, saıası qýǵyn-súrginge ushyraǵan ata-anasy týraly málimettermen tanysyp, ózderi úshin de kóp ǵıbrat alǵany anyq. Bul jerde batyrdyń rýhyn jańǵyrtyp, búkil murasyn saqtap otyrǵan, osy baıqaýdy bastan-aıaq uıymdastyrǵan Mán­shúk Mámetova memorıaldyq mý­zeıi qyzmetkerleriniń eńbegin erek­she atap ótý kerek.

Baıqaýdyń qorytyndy ke­ze­ńi­ne Qazaqstan Jazýshylar oda­ǵynyń múshesi, aqyn Talap Taımasuly, Qadyr Myrza Áli atyndaǵy Mádenıet jáne óner ortalyǵynyń qyzmetkeri, ta­nymal aıtys aqyny Aınabek Bısenǵalıev, oblystyq Halyq shy­­ǵarmashylyq ortalyǵy aqpa­rat bóliminiń basshysy Aıgúl Oryn­ǵalıeva, oblystyq bilim bas­qar­ma­synyń bas mamany Albına Zalmuqanova qazylyq etti.

Baıqaý qatysýshylary mý­zeı aýlasyndaǵy «Qaıtalan­bas Mán­shúk» eskertkishine gúl sho­ǵyn qoıdy. Dál osy ǵı­ma­ratta Mánshúktiń ákesi, Alash arys­tarynyń biri, aqyn, ult­tyq baspasóz qaıratkeri, dári­ger Ahmet Mamytuly 1932-1934 jyldary óz otbasymen bir­ge turǵan eken. Batyr qyzdyń ta­ba­ny tıgen topyraq baıqaýǵa qaty­sýshy órenderdi de erekshe áserge bólegeni anyq.

Sonymen shara eki baǵytta ótti. Birinshi kezeńde oqýshylar Mán­shúk týraly aqyndar jazǵan óleń­derdi mánerlep oqyp jaryssa, ekinshi kezeńde óz týyndylaryn ortaǵa saldy.

a

О́te tartysty ótken saıysta mánerlep oqýdan júldeli I oryndy Jánibek aýdanyndaǵy Tegisshil ortalaý mektebinen kelgen Dáýren Sádıev jeńip aldy. Eki ekinshi oryndy Aqsaı qalasyndaǵy №4 mektep oqýshysy Jansaıa Ilııas pen Dinmuhamed Qonaev atyndaǵy №44 mektep-gımnazııanyń oqý­shysy Aıarý Qapıet ózara bó­lis­ti. Al júldeli III orynǵa oblys­tyq daryndy balalarǵa arnal­ǵan mamandandyrylǵan mek­tep-ınternat oqýshysy Dil­naz Saǵıdolla, Bókeı ordasy aýda­nyndaǵy Mánshúk Mámetova atyndaǵy orta mektepten kelgen Erkenur Ǵalymjanova ıe boldy. Daryndy balalarǵa arnalǵan ma­mandandyrylǵan №8 oblystyq mektep ókili Ámına Seıitkereeva – «Úkili úmit» atalymyna, Te­rek­ti aýdany, Podstepnyı orta mek­tebiniń oqýshysy Darhan Mah­medov – «Jas tolqyn» atalymyna laıyq dep tanyldy. Qazaqtyń batyr qyzyna óz týyndylaryn arnaǵan saıysta qazylar alqasy Oral qalasyndaǵy №50 mektep oqýshysy Inabat Rahattyń óleńin birinshi orynǵa laıyq dep baǵalady. Ekinshi oryn Aq­jaıyq aýdany, Almaly mek­tebinen kelgen Nurlybek Tóleý­ǵalıev pen Jánibek aýdany, Ǵ.Qarash atyndaǵy mektep oqý­shy­sy Nurly Sabyrǵalıǵa bu­ıyrdy. Júldeli úshinshi oryn­dy daryndy balalarǵa arnal­ǵan mamandandyrylǵan №8 oblys­tyq mektepten kelgen Altynbek Álibekov pen Oral qalasy, №50 mektep ókili Álisher Súndetov bólisti. «Jas daryn» jáne «Jas qalam» atalymdary Aqsaı qa­la­syndaǵy №6 mektep-lıseı óki­li Ásemgúl Jumaǵazıeva men Terekti aýdany, Podstepnyı orta mektebiniń oqýshysy Darhan Mahmedovke buıyrdy.

Júldeli oryn alǵan jáne ata­lymdarǵa ıe bolǵan oqýshy­lar dıplomdarmen marapattalsa, olardyń jetekshilerine BQO ta­rıhı-ólketaný mýzeıiniń dırek­tory Mırbolat Ersaevtyń alǵys­haty tabys etildi. Saıys ba­ry­synda Mánshúk Mámetovanyń me­morıaldyq mýzeıindegi jádi­ger­lermen tanysyp, «Batyr qyzdyń sońǵy shaıqasy» atty dıorama­­syn tamashalaǵan oqýshylar erek­she áserge bólengenderin aıtty.

 

Sońǵy jańalyqtar

Aqtaýda 109 jedel jelisi iske qosyldy

Aımaqtar • Búgin, 09:51

Vaksına saldyrǵandar sany artty

Koronavırýs • Búgin, 09:18

Qazaqstanda 158 adam koronavırýs juqtyrdy

Koronavırýs • Búgin, 09:03

«Aqtóbe» kósh bastady

Fýtbol • Búgin, 08:42

Vaýt van Art birinshi orynda keledi

Sport • Búgin, 08:39

Tórtinshi aınalymǵa shyqty

Tennıs • Búgin, 08:38

Jastar jasyndaı jarqyldady

Sport • Búgin, 08:35

Til máselesi talqylandy

Qazaqstan • Búgin, 08:33

Dıplomatııalyq qyzmettiń 30 belesi

Qazaqstan • Búgin, 08:13

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Uqsas jańalyqtar