Shaqyrylǵan ártisterdiń qatarynda Netflix serııasynyń juldyzy, sol sııaqty aǵylshyn ulttyq baletiniń premeri Isaak Ernandes, Aǵylshyn ulttyq baletiniń prıma-balerınasy Sıorı Kase, Vena ulttyq operasynyń premeri Denıs Cherevıchko, Monte-Karlo operasynyń etýalıi Sımone Trıbýna jáne Vıktorııa Ananıan, Úlken teatrdyń premer jáne jetekshi solısi Igor Svırko jáne Krıstına Kretova, «Astana Opera» teatrynyń solısi Shuǵyla Ádephan bar.
«Astana Invest» Basqarma tóraǵasynyń orynbasary Moljigit Jalǵastyń aıtýynsha, The Gala – bul qazaqstandyq Luxury House saýda úıi júzege asyratyn biregeı jeke joba, ol elordanyń týrıstik ımıdjin jaqsartady, qala turǵyndarynyń mádenı deńgeıin jáne ómir súrý sapasyn arttyrady, memlekettik organdardan túsetin júktemeni alyp tastaıdy.
Qazaqstanda alǵash ret The Gala aıasynda birqatar tanymal horeografııalyq qoıylymdar qoıylady. Atap aıtqanda, Premer jáne prıma balerına Isaak Ernandes pen Sıorı Kase «Blake Works» baletinen adajıony usynady.
Sondaı-aq, qazaqstandyq kórermen qaýymǵa arnalǵan jańa týyndylardyń biri – «La Belle» bar. Bul zamanaýı horeograftardyń biri Jan-Krıstof Maıonyń joba úshin jasaǵan jeke tańdaýy. Jan-Krıstof Maıo bizge Charlz Perronyń «Uıqydaǵy arý» ertegisin usynady.
Luxury House dırektory Tatıana Gordıenko aıtqandaı, Úlken teatrdyń ártisteri qazaqstandyq sahnada «Tango» nómiriniń álemdik premerasyn ótkizedi.
Aıana Toǵanbek
