SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, jyl bastalǵaly jelsheshekti juqtyrýdyń 712 jaǵdaıy tirkelgen. О́tken jyldyń uqsas kezeńimen salystyrǵanda bul 2,3 ese kóp. Aýyrǵandardyń basym bóligi - 14 jasqa deıingi balalar, ıaǵnı 635 jetkinshek jelsheshek juqtyrǵan.
Jalpy jelsheshek - aýa-tamshy arqyly taralatyn, dene qyzýyn kóterip, bórtpe shyǵatyn jiti ınfeksııalyq aýrý. Vırýs aýrý adamnan juǵady, sondyqtan aýrý bastalǵanda saý adamdarmen baılanysty shekteý óte mańyzdy. Sondyqtan siz nemese balańyz aýyryp qalsa, mektepke, balabaqshaǵa nemese jumysqa barmaǵan durys.
Inkýbasııalyq kezeń 10-nan 21 kúnge deıin sozylady. Aýrý bastalǵanda aldymen dene temperatýrasy 39-40 gradýsqa deıin kúrt kóterilip, bas aýyrady. Jelsheshektiń eń aıqyn belgisi – bórtpe shyǵyp, onyń qyshýy. Úıde qyshyma paıda bolǵansha deıin otyrý kerek, bul teride vırýstyń joqtyǵynyń belgisi. Ádette ol daqtar shyqqannan keıin 5 kúnnen soń paıda bolady.
«Jelsheshekpen aýyrǵanda kóbirek suıyqtyqty - sý, shaı, shyryndar jáne jeńil sorpalardy ishken durys. Eger aýyrsynsańyz jáne uıyqtaı almasańyz, parasetamoldy qoldanyńyz. Kishkentaı balanyń tyrnaqtaryn alyp, ásirese túnde ol ózin tyrnap almaýy úshin qolyna qolǵap kıgizińiz. Qyshynýdan balalarǵa antıgıstamındi preparattardy berýge bolady. Gıgıenaǵa keletin bolsaq, jyly, biraq ystyq emes dýsh qabyldaǵan durys, sodan keıin terini qurǵatyp, bórtpe jazylǵansha bos kıim kıgen jón», deıdi sanıtar dárigerler.
Mamandardyń aıtýynsha, eń bastysy – jaranyń betin ashpaý, tyrnamaý. Tyrtyqtar qalyp qoımaýy úshin terige tıispegen mańyzdy. Eger dene qyzýy 39 gradýstan assa, bórtpe paıda bolsa, dárigerge shuǵyl túrde habarlańyz. Sondaı-aq, eger bala ózin nashar sezinse dárigerge kórsetińiz. Balalarda jelsheshek eresekterge qaraǵanda jeńil ótedi. Jelsheshekpen aýyrǵan adamdarda osy ınfeksııaǵa ómirlik ımmýnıtet qalyptasady. Alaıda ımmýnıtet álsiz bolsa qaıta ınfeksııa juqtyrý qaýpi bar.
