Qoǵam • 24 Mamyr, 2022

Bekhojın eńbekteri ǵylymı aınalymǵa engiziledi

33 ret kórsetildi

Qazaq jýrnalıstıkasynyń tarıhyn alǵashqy zertteýshi-ǵalymdardyń biri Haıyrjan Bekhojınniń esimi qazaq baspasózinde erekshe atalady. Ál-Farabı atyndaǵy Qazaq ulttyq ýnıversıtetinde ótken IX «Bekhojın oqýlary» aıasynda ǵalymnyń qazaq baspasózi shejiresin zertteýdegi tyń tujyrymdary men ǵylymı eńbekterin jańa qyrynan tanytý máseleleri saralandy.

«Qazaq jýrnalıstıkasyn zertteýdegi tarıhı dıskýrs pen jańa kózqaras» taqyrybyna ar­nalǵan respýblıkalyq ǵylymı-ádistemelik kon­ferensııany Jýrnalıstıka fakýltetiniń dekany Sansyzbaı Mádıev júrgizip, túrkitanýshy, fı­lologııa ǵylymdarynyń kandıdaty Amanqos Mektep-tegi «Haıyrjan Bekhojın jýrnalıs­tı­ka tarıhyn zertteýshilerdiń izashary» ta­qy­rybynda jasaǵan baıandamasymen jalǵastyrdy.

Qazaq jýrnalıstıkasy tarıhyn zertteýde  jańasha kózqaras tanytqan H.Bekhojındeı ǵalymnyń eńbekterin saralaýda baspasózdiń tarıhyna qatysty jazǵandaryn júıeli paıdalaný qajettigi týraly  fılologııa ǵylymdarynyń doktory, professor Namazaly Omashev oılaryn ortaǵa sala otyryp, «Haıyrjan Bekhojın – qazaq jýrnalıstıkasynyń tarıhyn ǵylymı-metodologııalyq turǵydan zerttegen alǵashqy ǵalym» atty baıandamasynda ǵalym eńbekteriniń ádistemelik jaǵyna mán berdi.

Jıyn barysynda sonymen qatar fılologııa ǵylymdarynyń doktory, professor D.Ysqaquly, fılologııa ǵylymdarynyń kandıdaty, ónertanýshy S.Medeýbekuly, kınotanýshy, T.Júrgenov atyndaǵy Qazaq ulttyq óner akademııasy Kıno tarıhy men teorııasy kafedrasynyń meńgerýshisi, PhD B.Baýyrjanuly, Jýrnalıstıka fakýltetiniń aǵa oqytýshysy L.Noda, saıası ǵylymdar doktory, professor, Baspasóz jáne elektrondy BAQ kafedrasynyń meńgerýshisi G.Sultanbaeva ǵalymnyń ǵylymı murasyna taldaý jasady.

Konferensııada jas ǵalymdar men stýdent­ter arasynda uıymdastyrylǵan «H.Bek­ho­jınniń ómiri men shyǵarmashylyǵyna arnalǵan eń úzdik mýltımedıalyq joba», «Eń úzdik ǵylymı joba», «Eń úzdik pýblısıstıka» atalymdary boıynsha jeńimpazdar marapattaldy.

Is-shara barysynda ǵalymnyń dıssertasııa­lyq eńbekterin ǵylymı aınalymǵa engizý maqsatynda sıfrly formatqa kóshirilip, eńbekterin oqý úrdisine engizý, sondaı-aq elimiz óńirlerinde jýrnalıstıka salasynda bilim alyp júrgen buqaralyq kommýnıkasııa ókilderin tartý týraly qarar qabyldandy.

 

ALMATY

Sońǵy jańalyqtar

Dollar arzandady

Qarjy • Keshe

Uqsas jańalyqtar