Bilim • 25 Mamyr, 2022

Sońǵy qońyraý syńǵyry

56 ret kórsetildi

Elimizdiń barlyq mektebinde sońǵy qońyraý syńǵyrlady. Kúmis qońyraýdyń únin estý sońǵy jyldary kóp túlekke, úkilep ósirgen shákirtin uıadan ushyrǵan janary meıirimge toly muǵalimge arman bolǵandaı edi. Bıylǵy sát burynǵydan ózgerek.

Bıyl 3,6 mln oqýshy oqý jylyn aıaqtady. Al 171 myńnan asa túlek úshin sońǵy qońyraý soǵyldy. Endi túlekterdiń mekteptegi qorytyndy emtıhandary, odan keıin UBT synaǵy bastalady. Pandemııa men bilimdegi olqylyqtardyń saldaryn joıý úshin jazǵy mektepter uıymdastyrylady. 

«Ozat oqýshylarymyz búginde bergen bilimimizdi, elimizdi halyqaralyq arenada laıyqty tanytyp júr. My­saly, meniń janymda kúni keshe ǵana Fransııadan oralǵan Dúnıejúzilik gımna­zıadanyń úsh jeńimpazy tur. Olar osy mektepte oqıdy. Al endi túlekter ómirdiń jańa kezeńin bastaǵaly tur. Mektepti bitirseńiz de, oqý men izdenis jolynda eshqashan toqtamaý kerek. Bilim – eshqashan qunyn joǵaltpaıtyn, qunsyzdanýdan qoryqpaıtyn baılyq. Alda emtıhandar bar. UBT eresek ómirdegi eń ońaı emtıhan ekenin bilseńizder eken. Bul úshin biz bıylǵy túlekterge birqatar jeńildik jasadyq. Endi sizder UBT-ny eki ret tapsyryp, grantqa úmitker bola alasyzdar. Bıyl Prezıdenttiń qoldaýymen granttar sanyn kóbeıtip otyrmyz. Atap aıtqanda, ýnıversıtetterde oqýǵa 73 myńǵa deıin jáne kolledjderde oqýǵa 128 myńǵa deıin grant bóldik. Jalpy alǵanda memleket sizder bolashaqqa senimmen qaraý úshin tıisti sharalar qabyldap jatyr», dedi elordadaǵy №75 mektep-gımnazııaǵa barǵan Bilim jáne ǵylym mınıstri Ashat Aımaǵambetov.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar