Call ortalyqtar – 7/24 rejimde

Sapar aıasynda qos qalada refe­rendýmǵa daıyndyq pen ony ótkizý, daýys berýge arnalǵan ýchas­kelerdi materıaldyq-tehnı­kalyq jabdyqtaý jónindegi ákim­dik­ter men aýmaqtyq referendým komıssııalarynyń jumys máseleleri qaralǵan semınar-keńester ótti. Aýmaqtyq referendým komıssııalarynyń músheleri, jergilikti atqarýshy jáne ókildi organdardyń ókilderi, ádilet departamentiniń, prokýratýranyń basshylary jáne BAQ ókilderi qatys­qan semınarlarda «Qazaq­stan Respýblıkasynyń Konstı­tý­sııasyna ózgerister men tolyq­ty­rý­lar engizý týraly» zań jobasy, daýys berý kúni BAQ ókilderin tirkeý tártibi, referendým týra­ly zańnamany buzǵany úshin jaýap­kershilik túsindirildi.

Keńeste Nurlan Ábdirov azamat­tardy aqparattandyrý má­se­­le­lerine keńinen toqtaldy. Al ákimdik ókilderi osy baǵytta atqa­rylǵan jumystar týraly jan-jaq­ty baıandady.

Máselen, Túrkistan oblysynda respýblıkalyq referendým týraly aqparat pen keńes be­re­tin biryńǵaı Call orta­lyq iske qo­syldy. Biryńǵaı Sall orta­lyǵyna habarlasyp, respýblıkalyq referendýmǵa qatysýǵa quqyǵy bar azamattardyń tiziminde bar-joǵyn tekserip, sondaı-aq óz ýchas­kesiniń nómiri men meken­jaıyn naqtylaýǵa bolady. Shym­ke­nt qalasynda da aptasyna 5 kún referendým ótkizý boıynsha azamattardyń suraqtaryna jaýap beretin Call ortalyqtar uıymdastyrylǵan. Al 1 maýsymnan bastap bul ortalyqtar aptasyna 7 kún, táýligine 24 saǵat rejimge aýystyrylady.

«2 GIS» júıesinde 1 maýsymnan bastap mobıldi platformalar úshin qoljetimdi bolatyn «referendým ýchaskesin izdeý» servısi qosylady. I-shymkent.kz saıty arqyly saıttaǵy daýys berýshiler tiziminde tekserý servısi jumys isteıdi, Telegram-da ishym_bot iske qosylǵan, osy servısterdiń kómegimen árbir azamat JSN terý arqyly referendým boıynsha óz ýchaskesin anyqtaı alady. Semınarǵa qatysýshylardan kelip túsken barlyq suraqtarǵa Ortalyq referendým komıssııasynyń ókil­de­ri tolyq jaýap berdi.

«Referendým uıymdastyrý men ótkizý boıynsha barlyq is-sharaǵa barynsha kúsh salý kerek. Daýys berý kúnine eki aptadan az ýaqyt qaldy. Referendýmdy ótkizýge baılanysty barlyq uıymdastyrýshylyq aspektilerdi pysyqtaý qajet», dep atap ótti komıssııa tóraǵasy.

Sonymen qatar keńeste eki qaladaǵy 15 ýchaskege ıns­pek­sııa­lyq tekserý júrgizilip, erekshe qajettilikteri bar adamdarǵa jaǵdaılar jasaý jumystary pysyqtaldy. Ýchaskelik komıssııa músheleri daýys berýge arnalǵan úı-jaıdy uıymdastyrýshylyq-tehnıkalyq qamtamasyz etý, múge­dek­tigi bar saılaýshylar úshin qajetti jaǵdaılar jasaý týraly baıandady. Jıynda Nurlan Ábdirov komıssııalarǵa daýys berýdi jáne daýys sanaý pro­sedýrasyn uıymdastyrý kezin­de qoǵamdyq birlestikterdiń, halyqaralyq baıqaýshylar men BAQ ókilderine qajetti sholýdy qamtamasyz etý qajettigin tapsyrdy. Sondaı-aq, ol ýchaskelerdegi barlyq aqparattyq-túsindirý mate­rıaldary referendýmnyń bar­lyq qatysýshylarynyń, onyń ishinde múgedektigi bar adamdar úshin qoljetimdi jáne yńǵaıly bolýy tıis ekenin atap ótti. «Bul sanattaǵy birde-bir azamat nazardan tys qalmaýy tıis», dep atap ótti N.Ábdirov.

Ýchaskelik komıssııa múshe­le­ri­men kezdesý aıasynda «Daýys berý kúni» atty oıyn tártibin qoldana oty­ryp, komıssııa múshelerin da­ıyndaý boıynsha oqý trenıngi uıymdastyryldy. Trenıngtiń maqsaty – komıssııa músheleriniń daýys berý rásimin ıgerýi, refe­ren­dýmǵa qatysý quqyǵy bar aza­m­at­tardyń tizimi, esepten shyǵarý kýálikteri, azamattardyń, qo­ǵam­dyq birlestikter ókilde­ri­niń aýyz­sha jáne jazbasha ótinishterimen jumys isteýdiń tájirıbelik daǵ­dy­la­ryn ıgerý.

Kezdesý qorytyndysy bo­ıynsha Nurlan Ábdirov aýmaqtyq jáne ýchaskelik komıssııalardyń múshelerine birqatar naqty tapsyrma berip, daýys berý kúni referendýmdy uıymdastyrý men ótkizý zańnama talaptaryna sáıkes júzege asyrylýy tıis ekenin erekshe atap ótti.