Referendým-2022 • 26 Mamyr, 2022

Daýys berý – azamattyq paryz

662 ret kórsetildi

Parlament Senatynyń depýtattary Baqytjan Jumaǵulov pen Nurlan Bekenov Sh.Ýálıhanov atyndaǵy Kókshetaý memlekettik ýnıversıtetinde bolyp, professor-oqytýshylar quramy jáne stýdenttermen birge aldaǵy referendýmdy talqylady.

B.Jumaǵulov kezdesý barysynda kons­tı­týsııalyq reformalardyń mańyzyn atap ótip, elimizdiń Konstıtýsııasyna engizi­le­tin ózgerister men tolyqtyrýlar týraly egjeı-tegjeı aıtyp berdi.

«Elimizde úlken ózgerister bolyp jatyr. Jańa Qazaqstan ıdeıasynyń damýy Ekinshi respýblıkanyń tujyrymdamasynda mazmundalǵan. Prezıdent Qasym-Jomart Toqaev osyǵan oraı úlken ózgeristerdi qolǵa aldy. Egemendik, jerimiz, elimiz jáne tilimiz – bizdiń basty qundylyǵymyz bolyp tabylady. Biz qazaq tiliniń damýyna basa nazar aýdarýymyz kerek. Árıne, biz basqa da shet tilderin bilýimiz kerek, biraq aldymen týǵan tili­mizdi qurmetteýimiz kerek», dedi Senat depýtaty.

О́z kezeginde N.Bekenov stýdent­ter­di memleket damýyna belsendi qatysýǵa shaqyrdy. Ol úshin bıyl 5 maýsymda ótetin referendýmǵa qatysý asa mańyzdy bolyp otyr.

«Konstıtýsııalyq ózgerister – bul saıa­sı reforma ǵana emes, sonymen birge biz­diń qoǵamdaǵy úlken ózgeris. Qazaqstan Res­pýb­lıkasy Konstıtýsııasynyń 33 babyna ózgeris engiziledi. Sondyqtan bárińizdi referendýmda daýys berýge shaqyramyn, bul bizdiń azamattyq paryzymyz», dedi N.Bekenov.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar