Aımaqtar • 27 Mamyr, 2022

Qaraǵandyda poıyz relsin urlaǵandar ustaldy

19 ret kórsetildi

Qaraǵandyda uzyndyǵy 222 metr relsti urlap ketken bir top adam qolǵa tústi, dep habarlaıdy Egemen.kz.

Osy jyldyń sáýir aıynda bir top adam arnaıy tehnıkany paıdalana otyryp, «Jezqazǵan-RZD-1» stansııasynyń aralyǵynda aýystyryp tóseýge arnalǵan jalpy uzyndyǵy 222 metr bolatyn relsti urlap ketken.

Sonymen qatar 1600 metr temir jol tósemi zaqymdalyp, shyǵyn somasy 54 mln teńgeden asqan. Bul týraly Kóliktegi polısııa departamentiniń bastyǵy Ońal Bekeev aıtty.

«21 mamyrda jedel-izdestirý is-sharalaryn júrgizý barysynda Qaraǵandy-Suryptaý stansııasyndaǵy Jelilik polısııa bóliminiń qyzmetkerleri atalǵan qylmysty jasady degen kúdikpen tórt adamdy  ustady», dedi O. Bekeev.

Departament bastyǵy ustalǵandardan zattaı dáleldemeler alynǵanyn aıtty.

Qazir atalǵan fakti boıynsha QR QK 188-baby 4-bóliginiń 3 tarmaǵy, ıaǵnı asa iri mólsherde adamdar toby aldyn ala sóz baılasý arqyly jasaǵan urlyq boıynsha sotqa deıingi tergeý bastaldy.

«О́zge málimetter QR Qylmystyq-prosestik kodeksiniń 201-babynyń talaptaryna sáıkes tergeý múddesine oraı jarııalaýǵa jatpaıdy», dedi polısııa general-maıory.

Sońǵy jańalyqtar

Dollar arzandady

Qarjy • Keshe

Uqsas jańalyqtar