Aımaqtar • 27 Mamyr, 2022

Yrǵyz aýdanynyń eki aýylyna gaz beriledi

472 ret kórsetildi

Bul týraly Aqtóbe oblysynyń ákimi Yrǵyz aýdanyna jumys saparynda Qyzyljar jáne Qutıkól aýyldyq okrýgteri turǵyndarymen kezdesýinde málimdedi, dep habarlaıdy Egemen.kz

Bıyl aýdanda kóptegen áleýmettik nysandar salynyp jatyr. Olardyń qatarynda qurylysy bastalǵan  segiz páterli eki qabatty qos úı  bar.  Qurylys eldi mekenindegi  50 oryndyq balabaqshaǵa kúrdeli jóndeý jumystary júrgizilip jatyr.  Al, 1978 jyly salynǵan aýdandyq balalar men jasóspirimder sport mektebi kúrdeli jóndeýdi qajet etedi. Bul týraly sport mektebiniń jattyqtyrýshylary óńir basshysyna habarlady. Munda  800 bala 13 sport túrimen aınalysady. Biraq jarty ǵasyrdan beri jóndeý kórmegen ǵımarat ábden tozǵan,  zamanaýı sport jabdyqtary da joq.  О́ńir basshysy ǵımaratty  jóndeý jumystaryna qarjy bólýge qoldaý kórsetýdi tapsyrdy. 

vaaa

asaps 

vpmvyıa

vaıa

Aýdan ishindegi mańyzdy joldar qataryndaǵy  «Yrǵyz-Qutıkól» avtokólik jolyn jóndeýge oblystyq máslıhat depýtattary sońǵy sessııada  330 mıllıon teńge qarjy bólgen bolatyn. Bul tasjol da salynǵaly jóndeý kórmegen, ásirese kúz ben kóktemdegi jaýyn-shashynda jol sazdanyp, aýyl turǵyndarynyń qatynasyna  qıyndyq týdyratyn.

Qutıkól eldimekeninde 1102 turǵyn bar. Bıyl jyldyń sońyna deıin aýylǵa gaz qubyry tartylady dep kútilýde. Qazir aýdan ortalyǵynan tartylǵan qubyr jelisi aýyldyń shetine kirip tur. Endi aýylishilik jelini qosý kerek. Osy joba «Aýyl – el besigi» memlekettik baǵdarlamasy arqyly qarjylandyrylady. Joba bıýdjeti 795 mıllıon teńge. Kúzge deıin Qutıkólge gaz qubyry tartylsa, qurylysy 2023 jylǵa josparlanǵan Nura aýylyna da gaz júrgizýdi bıyl jedeldetýdi tapsyrdy óńir basshysy.

Aıta ketý kerek, Qutıkól men Nura aýyldarynyń arasy jaqyn, Nuraǵa gaz júrgizý jobasy 63 mıllıon teńgege jobalanǵan.

Qutıkól aýylyna aýdan ortalyǵynan aýyz sý qubyry da tartylýda.

«Sý debetine baılanysty másele bar, qazir sý Yrǵyz aýylynyń ózinen keledi. Sondyqtan uńǵymany osy jerden burǵylaý kerek. Geologııalyq barlaý jumystaryn júrgizgen jón. Bastysy - sý bar. Bul suraqty 2-3 jyl ishinde sheshemiz dep oılaımyn», dedi Ońdasyn Orazalın Qutıkól eldi mekeniniń turǵyndarymen kezdesýinde.

 Aqtóbe oblysy.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar