Elorda • 27 Mamyr, 2022

Nur-Sultanda áıel men jasóspirimniń ústine banner qulady

25 ret kórsetildi

Elordada qatty jeldiń saldarynan alyp banner qulap, eki adam zardap shekti, dep habarlaıdy Egemen.kz.



Elorda turǵynynyń ústine banner qulaǵany týraly aqparat áleýmettik jelide tarady. Oqıǵa Beıbitshilik pen kelisim saraıy mańynda bolǵan. Qatty jel bannerdi shamamen 15 metr jerge deıin ushyrǵan. Sonyń saldarynan elorda turǵyny túrli dene jaraqatyn alǵan.

Nur-Sultan qalalyq densaýlyq saqtaý basqarmasy baspasóz qyzmetiniń málimetinshe, jaralanǵandar sany ekeý. Jedel medısınalyq járdem brıgadasy oqıǵa ornyna 3 mınýtta jetken.

«Zardap shekkender (1 eresek adam, 1 jasóspirim) túrli jaraqatpen kópbeıindi qalalyq stasıonarlarǵa jetkizildi. Olarǵa qabyldaý bólimi deńgeıinde aýrýhanalardyń beıindi mamandary búkil qajetti medısınalyq kómekti kórsetti», dep atap ótedi basqarmadan.

Basqarma málimetinshe, zardap shekken áıel túrli jaraqatpen aýrýhanaǵa jatqyzyldy, jaǵdaıy birqalypty.

«Naýqas aýrýhanada tolyq saýyqqanǵa deıin stasıonarlyq em qabyldaıdy. Jaraqat alǵan jasóspirimdi mamandar qarap shyqty. Medısınalyq tekserý kezinde naýqastyń jaǵdaıy ortasha, asqyný bolmady. Dárigerler tolyq tekserý júrgizdi. Sodan keıin syrqat ambýlatorııalyq emdeýge jiberildi», dedi vedomstvodan.



Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar