Medısına • 27 Mamyr, 2022

Balalardyń saýyqtyrý is-sharalaryna 26,1 mlrd teńgege shart jasaldy

23 ret kórsetildi

2020 jyly mektep medısınasy qarjylandyrýdyń jeke baǵytyna shyǵaryldy. Ol kezde oǵan 18,5 mlrd teńge, al 2021 jyly 22,2 mlrd teńge bólindi. Bıylǵy jyly mektep oqýshylary úshin kásiptik qaraý men saýyqtyrý is-sharalaryna 26,1 mlrd teńgege shart jasaldy, dep habarlaıdy Egemen.kz Áleýmettik medısınalyq saqtandyrý qorynyń aqparatyna silteme jasap. 
 

Balalardyń densaýlyǵy – el damýynyń mańyzdy basymdyqtarynyń biri. Balalar jeńildikti sanatqa kiredi jáne memleket esebinen MÁMS-te saqtandyrylǵan. Tegin medısınalyq qyzmetterdi balalar medısınalyq saqtandyrý qorymen shart jasasqan medısınalyq uıymdardan ala alady.

«Osy jyly qor bilim berý uıymdarynda medısınalyq qyzmet kórsetýge 436 emhanamen 26,1 mlrd teńgege jýyq somaǵa shart jasady. Salystyrý úshin: 2020 jyly mektep medısınasynyń qyzmetin 417 medısınalyq uıym, 2021 jyly – 430 medısınalyq uıym kórsetti, sharttardyń quny 22,2 mlrd teńgeni qurady. Aldyn ala qorytyndy boıynsha, 2022 jyldyń 1 toqsanynda mektep medısınasy qyzmeti shamamen 6,4 mlrd teńgege kórsetildi», delingen qor taratqan málimette. Qorda atap ótkendeı, mektep medısınasynyń máni – bilim berý uıymdaryndaǵy balalardy qajetti medısınalyq qyzmettermen qamtamasyz etý. Bul jumys mektep nemese balabaqsha ornalasqan aýmaqqa qarasty emhana jaýapkershiliginde bolady. Ol úshin mektepte medısına qyzmetkeriniń jabdyqtalǵan kabınetteri bar arnaıy qyzmet qurylady.

Profılaktıkalyq tekserý nemese vaksınasııa júrgizý úshin mektepke (nemese balabaqshaǵa) tıisti profıldegi dárigerler keledi. Mundaı is-sharalar aldyn-ala josparlanady, jáne ata-analar olar týraly habardar etiledi.

Mektep medısınasynyń tarıfine vaksınasııa, jyl saıynǵy profılaktıkalyq tekserý, tis dárigeriniń tikeleı oqý ornynda ótkiziletin tekserýi kiredi. Sondaı-aq oqý ornyndaǵy dárigerler balalardyń salaýatty ómir saltyn ustanýy boıynsha is-sharalar ótkizedi. Eger kásibı tekserýde patologııa anyqtalǵan bolsa, onda bala tirkelgen jeri boıynsha emhanaǵa tereńdetilgen medısınalyq tekserýge jiberiledi.

Balalardyń vaksınasııalaýy ata-analarynyń kelisimimen Ulttyq egý kúntizbesi boıynsha júrgiziledi. Shuǵyl jaǵdaılarda medısınalyq pýnktte jedel járdem brıgadasy kelgenge deıin balalarǵa alǵashqy kómek kórsetiledi.

Osylaısha, mektep medısınasy mektep oqýshylarynyń densaýlyq jaǵdaıyn úzdiksiz baqylaýdy qamtamasyz etýge jáne qajet bolǵan jaǵdaıda ýaqytyly alǵashqy kómek kórsetýge múmkindik beredi.

 

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar