Elshi áriptesin Prezıdent Qasym-Jomart Toqaevtyń «Jańa Qazaqstan: Jańarý men jańǵyrý joly» Joldaýynyń negizgi qaǵıdalary týraly, sondaı-aq 2022 jylǵy 5 maýsymda ótetin QR Konstıtýsııasyna ózgerister men tolyqtyrýlar engizý jónindegi jalpyulttyq referendým týraly habardar etti. О́z kezeginde armıan tarapy Qazaqstanǵa údemeli damý men saıası jáne áleýmettik-ekonomıkalyq jańǵyrýdyń tabysty júrgizilýin tilep, ózge baǵyttar boıynsha qatynastardy odan ári keńeıtýge daıyn ekendigin bildirdi.
Mınıstr bıylǵy sáýir aıynda ótkizilgen óńiraralyq onlaın kelissózderdiń nátıjeliligin atap ótip, eki el óńirleri ókilderiniń ózara saparlaryn júzege asyrý jónindegi bastamany qoldady. Armıan tarapy 2022 jylǵy 2 maýsymnan bastap «FlyArystan» áýekompanııasynyń Almaty-Erevan-Almaty baǵyty boıynsha tikeleı turaqty reısin ashýdyń, sondaı-aq Nur-Cultan-Erevan-Nur-Cultan áýe qatynasyn pysyqtaýdyń mańyzdylyǵyn aıtty.
Áńgime barysynda 2022 jyly Erevanda ótetin Ekonomıkalyq yntymaqtastyq jónindegi Qazaqstan-Armenııa úkimetaralyq komıssııasynyń 9-shy otyrysynyń máseleleri talqylandy.
