Atalǵan ofıs konsýltatıvtik-keńesshi organ retinde qala turǵyndarynyń ıgiligi úshin júzege asyratyn jobalarda kásipkerlik pen bilim berýdi damytýdy qoldaý saıasatyn júzege asyrýda.
Sıfrlandyrý basqarmasynyń basshysy Baıan Qońyrbaev osy baǵyttaǵy qol jetken nátıjelerge toqtalyp, mańyzdy bastamalar retinde NBK Data Factory jobasyn atap ótti. Bul joba ekonomıkalyq taldaýda asa mańyzdy ári vızýalızasııa, navıgasııa arqyly gıbrıdti qoımada saqtalatyn derekterdi statıstıkalyq taldaýǵa múmkindik beredi. Sonymen qatar jer qatynastary basqarmasynyń fýnksııalaryn avtomattandyrýǵa arnalǵan geoaqparattyq júıeler men derekter bazasyn damytý, jerdi tıimdi paıdalanýǵa jáne jańa bıznes-bastamalardy iske asyrýǵa arnalǵan quraldar kesheni sııaqty baǵyttarǵa kóńil bóle otyryp, qalany damytý baǵyttaryn qamtıdy. Sıfrlandyrý ofısiniń bazasynda byltyrdan bastap biryńǵaı kommýnıkasııalyq keńistikte barlyq joǵary oqý oryndaryn, IT-talanttar, IT-kompanııalardy biriktiretin platforma jumys istep keledi.
Baıan Qońyrbaevtyń aıtýynsha, bıylǵy sáýir aıynda atalǵan platformada 2 150 IT-talant, 23 IT-kompanııa, bıznes salasynan 23 bos jumys orny, 53 bilim berý kýrsy tirkelgen. Sıfrlandyrý keńsesi qalany damytý jumystaryna stýdentterdi tartý baǵdarlamasy boıynsha joǵary oqý oryndarymen aýqymdy yqpaldastyqty damytýǵa kúsh salýda. Bıyl Qazaqstan-Brıtan tehnıkalyq ýnıversıtetinde Sıfrlandyrý basqarmasymen jáne IGLUS halyqaralyq shveısarııalyq uıymmen birlesip, Smart city lab zerthanasy ashyldy. Zerthananyń maqsaty – qalalyq júıelerdiń tıimdiligin ólsheý, ınfraqurylymdy damytý jáne Smart City jáne Smart Systems magıstratýrasynyń bilim berý baǵdarlamalary boıynsha kadrlar daıarlaý. Osy oraıda QBTÝ bazasynda Sıfrlandyrý basqarmasynyń bólimshesin ashý josparlanýda. Bul IT saladaǵy magıstranttar jáne doktoranttarmen birlesken jobalar ázirleýge múmkindik beredi.
Ofıs jumysy aıasynda AlmaU ýrbanıstıka ortalyǵynyń stýdentteri men Almaty qalasynyń sıfrlandyrý basqarmasy Frontier.kz kompanııasymen birlesip, jaıaý júrginshiler kedergilerin, aýdandardyń kommersııalyq syıymdylyǵyn, qoǵamdyq kóliktiń qoljetimdiligin anyqtap, aýdandardaǵy qurylys barysyna taldaý jasady. Al IT keńes pen Azııa damý banki birlesip, Halyqaralyq aqparattyq tehnologııalar ýnıversıtetimen yqpaldastyq máselesine kóńil bólip otyr.
Prezıdenttiń 100 myń bilikti IT-mamandaryn daıarlaý jónindegi tapsyrmasyn júzege asyrýǵa baılanysty qala ákimdigi men Sıfrlandyrý basqarmasyn mamandarmen qamtamasyz etý maqsatynda Business analysis magıstratýrasynyń modıfıkasııasyna da mán berilýde. Osy oraıda digital urban planner, digital officer jáne qoldanbaly tapsyrmalardy sheshetin ámbebap analıtık, Open Almaty damytý tujyrymdamasyn jetildirý, ótinishterdi jedel óńdeý maqsatynda apparattyq-baǵdarlamalyq keshendi avtomattandyrý salalary da basym baǵyttar retinde qarastyrylýda.
ALMATY
