QHP basshysyn jumys kestesin almatylyq partııalastarmen kezdesýden bastap, baıandamasynyń negizgi taqyrybyn 5 maýsymda ótetin respýblıkalyq referendýmǵa arnady. Ol Konstıtýsııaǵa ózgerister men tolyqtyrýlar engizýge baılanysty máselelerdi qozǵady.
«Qazaqstan Halyq partııasy on saǵattyq onlaın marafon uıymdastyrdy, bul – bizdiń partııanyń referendýmdy qoldaýǵa qosqan úlesi. Jalpy alǵanda osy aı ishinde partııa músheleri referendýmǵa baılanysty aqparattyq-nasıhat jumystaryn júrgizip, ózgerister men tolyqtyrýlardyń mánin túsindirip, jan-jaqty jumys istedi. О́ńirlerdi aralap, halyqpen kezdesýler ótkizdik, suraqtarǵa jaýap berip, buqaralyq aqparat quraldarynda, arnaıy saıttarda sóz sóıledik. Osy oraıda konstıtýsııalyq reforma men referendýmdy jalpyhalyqtyq qoldaý jańa saıası baǵdarymyzdy kórsetedi. Qazaqstan jańa beleske aıaq basa otyryp, jer qoınaýyndaǵy mol qazynasynyń ıgiligin birge kóretin bolady», dep atap ótti E.Ertisbaev.
Partııa tóraǵasy Prezıdenttiń Konstıtýsııaǵa «Jer jáne onyń qoınaýy men baılyǵy Qazaqstan halqyna tıesili bolýy kerek» degen túzetý engizý týraly bastamasyn qoldaǵanyn málimdedi. «Bul – «Halyq únine qulaq asatyn memlekettiń» naqty kórinisiniń biri. Memleket basshysy da osy basymdyqqa nazar aýdaryp otyr», dedi ol.
QHP músheleri Konstıtýsııaǵa engizilgen barlyq ózgeristerdiń elimiz úshin, Jańa Qazaqstannyń qalyptasýy úshin mańyzy zor ekenin biraýyzdan qoldap, pikir bildirdi. Jıyn barysynda E.Ertisbaev QHP-nyń jańa múshelerine partııa bıletterin tabystap, partııanyń nyǵaıýyna, damýyna úles qosady degen senim bildirdi.
ALMATY
