Spıkerdiń aıtýynsha, «Qazaqstan Respýblıkasyndaǵy saılaý týraly» Zańyna sáıkes referendým ýchaskeleri búgin 6.00-de ashylyp, 7.00-de daýys berý bastaldy. Zańnamanyń óreskel buzýshylyqtary tirkelgen joq, barlyǵy jumys rejıminde ótýde. Ýchaskelerde baqylaýshylar bar.
«Bizdiń tizimde daýys berýge quqyǵy bar 1 126 854 almatylyq tirkelgen. Sonymen qatar 1388 esepten shyǵarý kýáligi berildi. Keshe 18.00-de olardy zańdy túrde berý kezeńi jabyldy jáne osyndaı san anyqtaldy. Daýys berý belsendiligi birtindep artyp kele jatqanyn atap ótkim keledi. Tańerteń 7-de bizde alǵashqy daýys bergender boldy. Oqıǵalardyń qalaı damıtyny týraly kelesi brıfıngte habarlaıtyn bolamyz», dedi qalalyq aýmaqtyq referendým komıssııasynyń tóraıymy.
Sondaı-aq J.Asanova 12.00-den keıin zań boıynsha ótinishter saǵat 12.00-ge deıin qabyldanatyndyqtan, qansha almatylyq úıde daýys beretini anyqtalatynyn habarlady.
«Qaladaǵy referendýmnyń barlyq ýchaskeleri múmkindigi shekteýli adamdarǵa arnalǵan pandýstarmen jabdyqtalǵan. Ras, eki ýchaske ekinshi qabatta ornalasqan. Daýys berý ortalyqtary jaqyn mańdaǵy shaǵyn aýdandardyń turǵyndaryna kelýge yńǵaıly bolatyndaı etip uıymdastyrylǵan. Muny birinshi qabatta jasaýǵa barlyq jerde múmkindik joq. Biraq komıssııa músheleri men ǵımarat ákimshiliginiń ókilderi múmkindigi shekteýli adamdarǵa mindetti túrde kómektesedi», dep atap ótti spıker.
