Tańertemen saılaý ýchaskesine egde jastaǵy qala turǵyndary birinshi bolyp daýys berse, túske jaqyn jastar men jas otbasylar kelip daýys bere bastady. «Azamattyq bastamalar ortalyǵy» shtabynyń jetekshisi B.Kýdysheva, shtab músheleri S.Alpysova, J.Tájibaev qaladaǵy saılaý ýchaskelerinde alǵashqy kelgen, 100-shi saılaýshyǵa, t.b. aksııalar qarastyrylǵanyn atap ótti. Al saılaý ýchaskelerine kele almaıtyndar úshin baqylaýshylar úılerine baryp, daýys berýge kómek berýde. Sonymen birge alǵash ret daýys bergender bar jáne qujatyn umytyp ketetin jaǵdaılar da kezdesýde. Bul jaǵdaıdy da baqylaýshylar nazarda ustap otyr.
Qazirgi sátte belsendilik artyp keledi. Ásirese 18-39 jasqa deıingi jastar belsendilik tanytýda. Januıasymen onshaqty adam bolyp kelip jatqandar bar. Táýelsiz baqylaýshylar atap ótkendeı, bul qala jurtshylyǵynyń el erteńine beı-jaı qaramaıtyndyǵyn kórsetedi. Negizi mindet, qala halqy úshin meıramǵa aınalǵan kúninde olarǵa tııanaqty, sapaly qyzmet kórsetý. Baqylaýshy qoǵamdyq uıymdardyń mindeti Jańa Qazaqstanǵa daýys berýdiń ádil etýin baqylaý. Daýys berý barysynda bir kabınaǵa ekiden kirip alǵan jaǵdaılar, kabınalardyń birneshe adamnyń tasasyn kórinbeı qalý jaǵdaılary kezdesti.
Eskeretin mańyzdy másele, saılaýshylardyń quqyqtyq mádenıetine nazar aýdarý. Salystyrmaly túrde alǵanda elimizde baqylaýshylardyń da, saılaýshylardyń da belsendiligi artyp keledi. Baqylaýshylar keri baılanysqa shyǵyp, saılaý barysynan habardar etip, oı-pikirlerin ashyq bildirýde.
