Jaralanǵan jandar aýrýhanaǵa jetkizildi. 22 jastaǵy júrgizýshi aldynda kele jatqan kólikti basyp ozbaq bolǵanda kólik tizginine ıe bola almaı joldan shyǵyp ketip, aýdarylyp qalady. Sonyń saldarynan avtokólik órtenip, tolyǵymen janyp ketti. Sondaı-aq mamyr aıynyń sońǵy kúnderinde Aqqaıyń aýdanynda Nur-Sultan qalasynyń 28 jastaǵy turǵyny da burylysta tizginge ıe bola almaı, aýdarylyp qaldy. Ol alǵan jaraqattardan oqıǵa ornynda kóz jumdy. 8 maýsym kúni Qyzyljar aýdanynda «Chelıabi-Novosibir» avtojolynda «Toyota Corolla» jáne «VAZ 2114» avtokólikteri soqtyǵysty.
Osyndaı oqıǵalardyń jıileýine baılanysty polıseıler jol ústinde saq bolýǵa, alys jolǵa shyǵarda qaýipsizdikke jaýapkershilikpen qaraýǵa, jol júrisi qaǵıdalaryn qatań saqtaýǵa shaqyrady. «Jol júrisi qaǵıdalaryn elemeý osyndaı jaǵdaılarǵa alyp kelýi múmkin. Ár manevrdi erekshe saqtyqpen jasaý qajet», deıdi PD Jergilikti polısııa qyzmeti basqarmasynyń bastyǵy, polısııa polkovnıgi Aıdyn Baımatov.
Jalpy, Soltústik Qazaqstan joldarynda bes aıda jyldamdyq rejimin saqtamaý saldarynan 7 jol-kólik oqıǵasy oryn alyp, 1 adam qaza taýyp, 8 adam jaraqattar aldy. 15 jol-kólik oqıǵasynda júrgizýshiler manevrdiń qaýipsiz ekenine kóz jetkizbeý salddarynan 5 adam kóz jumyp, 26 adam jaraqattandy.
