Memlekettik qaýipsizdik qyzmetiniń ókili Maqlııo Valıqýlovanyń aıtýynsha, 8 adamnan qurylǵan qylmystyq top jyldar boıy kontrabandamen aınalysqan. Ekeýi О́zbekstan, altaýy Qyrǵyzstan azamaty. Olar jerasty jolymen 1 mln 641 myń dollar qarjyny zańsyz alyp ótpek bolǵan jerinen ustalǵan.
«Tekserý kezinde Ándijandaǵy taǵy bir úıden uzyndyǵy 420 metrlik jerasty joly anyqtaldy. Onda júk tasıtyn elektr arba bolǵan. Kinálilerge qatysty sot qylmystyq is qozǵap, 8 jylǵa deıin bas bostandyǵyn shektedi. Top músheleri quqyq qorǵaý organdarynyń nazaryna ilikpes úshin baılanys quraldaryn qoldanǵan. Iri kólemdegi valıýtany elimizdiń aýmaǵyna ákelip, odan keıin jerasty joly arqyly Qyrǵyzstanǵa alyp ketip júrgen. Tergeý amaldary kezinde olardyń áreketteri aıǵaq zattarmen dáleldendi», dedi M.Valıqýlova.
