Forýmda sóz sóılegen Muhtar Qul-Muhammed jıynǵa qatysýshylarǵa elimiz Parlamenti Senatynyń Tóraǵasy Máýlen Áshimbaevtyń quttyqtaýyn oqyp berdi. Quttyqtaý sózinde bizdiń halqymyz úshin patrıotızm sezimi barlyq ýaqytta da qasıetti bolǵany jáne bolyp qala beretini atap ótildi. Mundaı jıyndarǵa qatysý jastardyń rýhy men minezin shyńdaıdy, olar topta jumys isteýdi úırenedi, laıyqty daıyndyqtan ótip, senimdi dostar tabady.
Bıylǵy is-sharaǵa on jeti aımaqtan, armııa generaly Saǵadat Nurmaǵambetov atyndaǵy Qorǵanys mınıstrliginiń áskerı kolledjinen, sondaı-aq Qarýly Kúshterdiń, basqa da áskerler men áskerı quralymdardyń áskerı bólimderi men mekemeleriniń janynan qurylǵan klýbtardyń jas tárbıelenýshileri qatysty. Parlamentshiler shatyrly qalashyqty, «Aıbyn – patrıottar mekeni» alleıasyn, qarý-jaraq pen áskerı tehnıka úlgileriniń kórmesin aralap kórdi.
Senatorlar kezdesý barysynda memlekettiń nazaryn áskerı qyzmettiń mártebesin arttyrý men jastardy áskerı boryshyn oryndaýǵa yntalandyrýdyń mańyzdy ekenin atap ótti.
