Qamgor charity qoǵamdyq qorynyń tóraǵasy Baǵdat Anarbaeva almatylyq eriktiler jumyla iske kiriskende alynbaıtyn qamal bolmaıtynyn alǵa tartty. Bir jyldan astam merzimde úlken tájirıbe jınap úlgergen eriktiler qoldaýǵa zárý azamattarǵa qolushyn berýge qashanda daıyn. Ásirese «Qasiretti qańtar» kezinde tótenshe jaǵdaı rejiminde jumys isteı júrip, eriktiler qıyn jaǵdaıǵa tap bolǵandarǵa barynsha kómek qolyn sozǵany belgili. Jekelegen azamattarmen qatar, mekemeler men kásiporyndarǵa baryp, búginde myńnan astam almatylyq otbasynyń alǵysyna bólenip otyr.
Qaıyrymdylyq is-sharalardyń basym bóligi qasıetti Ramazan aıy kezinde iske asty. Osy kezde kópbalaly jáne turmysy tómen otbasylarǵa aýyzashar berip, qala kóshelerinde qurma men sý taratýǵa atsalysty. Bul – eriktiler jumysynyń bir bóligi ǵana. Eriktiler mıssııasy bir rettik aksııa emes, qaıyrymdylyqqa negizdelgen dástúrli is-sharalar túrinde iske asyp keledi.
«Qalada ata-anasynyń qamqorlyǵynsyz qalǵan balalarǵa kásiptik baǵdar berý jáne qysqa merzimdi kásipterge oqytýǵa baǵyttalǵan «Áleýmettik sheberhana» avtorlyq jobasy jumys isteıdi. Sonymen qatar eriktilerdiń Ulagat jobasy aıasynda jalǵyzbasty ardagerler men zeınetkerlerge qamqorlyq kórsetilip keledi. Al mereke kúnderi eriktiler úshin túrli qaıyrymdylyq is-sharalary men ekoaksııalarǵa toly», deıdi «Qazaqstan eriktileri lıgasy» QQ tóraǵasy Nursultan Bekqaıyrov. Onyń aıtýynsha, eriktiler ózderiniń naqty is-áreketteri arqyly qorshaǵan ortasyn, týǵan elin ózgertýdi maqsat etedi. Búginde mundaı uıymdardyń qataryn Bilim, Sabagtastyg, Qamgor, Taza alem, Úmit, Asyl mura, Ayala sııaqty uıymdar tolyqtyryp otyr. Al respýblıkalyq «Igi ister marafony», «Ardagerlerdi ardaqtaıyq», «Shaı isheıik», «Jarqyn juldyz» aksııalary eriktiler tarapynan turaqty uıymdastyrylyp keledi.
«Jyl basynan beri front-ofıstiń qoldaýymen 80-ge jýyq joba uıymdastyrylyp, júzege asty. Qalanyń barlyq joǵary oqý oryndarynda «Qazaqstan volonterlar lıgasy» qoǵamdyq qorynyń fılıaldaryn ashý josparlanýda. Búginde bul uıymnyń fılıaldary 23 joǵary oqý ornynda jumys isteıdi», dep atap ótti N.Bekqaıyrov. Qoǵamdyq qor basshysynyń aıtýynsha, eriktiler quramy tek jastardan jasaqtalmaıdy. «Búginde «kúmis volonter» tujyrymdamasy ázirlenýde. Olardyń quramyna belsendi azamattyq ustanymy bar eńbekqor azamattar kiredi. О́ıtkeni erikti bolý qoǵamǵa jaqsy kóńil kúı syılaýdaǵy erkindikpen baılanysty. Erikti bolǵysy keletinder front-ofıske habarlasyp, arnaıy aqparat alǵannan keıin komandanyń tolyqqandy múshesi bola alady», deıdi ol.
ALMATY
