Úkimet • 25 Maýsym, 2022

Úkimet basshysy qant baǵasyn retteýdi tapsyrdy

38 ret kórsetildi

Búgin Úkimettiń sıfrlyq keńsesinde Qazaqstan Premer-Mınıstri Álıhan Smaıylov áleýmettik mańyzy bar azyq-túlik taýarlarynyń (ÁMAT) baǵasyn ustap turý máseleleri jóninde keńes ótkizdi, dep habarlaıdy Egemen.kz Premer-Mınıstrdiń resmı saıtyna silteme jasap.

Qazirgi ahýal jáne baǵany turaqtandyrý boıynsha qabyldanyp jatqan sharalar týraly QR Saýda jáne ıntegrasııa mınıstrligi Saýda komıtetiniń tóraǵasy Erjan Qazanbaev baıandady.

ı

Máselen, jyl basynan beri baǵa 17,1%-ǵa ósken. Atap aıtqanda, pııaz, qyryqqabat, qant, kartop, sábiz, qaraqumyq baǵasy eń kóp kóterilgen. О́ńirler boıynsha baǵa Jambyl jáne Mańǵystaý oblystarynda 18,7%-ǵa, Almaty oblysynda 18,6%-ǵa, Nur-Sultan jáne Almaty qalalarynda 18,5%-ǵa jáne Shymkent qalasynda 18%-ǵa ósken, bul – óńirler boıynsha baǵanyń eń kóp kóterilýi.

ý

Sonymen qatar keńes barysynda jaqyn shetel naryqtaryndaǵy azyq-túlik taýarlary baǵasynyń ósýi boıynsha jaǵdaıdyń da osyndaı ekeni atap ótildi. Máselen, Reseıde jyl basynan beri azyq-túlik baǵasynyń ortasha ósýi shamamen 40%, О́zbekstanda 48% boldy.

Salalyq komıtet bólshek saýda nysandarynyń ruqsat etilgen ústemeni 15%-dan aspaıtyn mólsherde saqtaý talaptary boıynsha ákimdikterdiń jumysyn úılestirýdi jalǵastyryp keledi. Sońǵy aptalarda reıdtik is-sharalarmen úı janyndaǵy 42,6 myń dúken (84,7%) qamtyldy. Nátıjesinde 712 buzýshylyq anyqtaldy, olar boıynsha qajetti sharalar qabyldandy.

Usynylǵan sharalar retinde E. Qazanbaev saýda ústemesin arttyrý faktilerin anyqtaý jáne zańnamada kózdelgen sharalardy qabyldaý úshin monopolııaǵa qarsy organdar men JAO-ǵa elektrondyq shot-faktýralardyń derekterin jiberýge múmkindik beretin memlekettik organdardyń birlesken buıryǵyn ázirleýdi usyndy.

Aýyl sharýashylyǵy mınıstrliginiń derekteri boıynsha, qazirgi ýaqytta elimizde sıyr etin (22 292 tonna), qus etin (19 600 tonna), kartopty (93 749 tonna), undy (118 506 tonna), sútti (59 640 tonna) jáne t.b. qosa alǵanda, 607 myń tonna kóleminde negizgi azyq-túlik qory bar.

ı

Qantqa keletin bolsaq, respýblıka boıynsha ónimniń jalpy qory 101,4 myń tonnany quraıdy, bıylǵy maýsymda ishki tutyný 59 myń tonna boldy, ıaǵnı naryqtyń qamtamasyz etilýi – 171,4%, dep sendirdi aýyl sharýashylyǵy vıse-mınıstri.

О́z kezeginde Álıhan Smaıylov 15 paıyzdyq saýda ústemesin, ásirese úı janyndaǵy dúkenderdegi baqylaý jumystaryn kúsheıtý qajettigin atap ótti.

f

«Aýyl sharýashylyǵy mınıstrliginiń derekterine sáıkes, qant qory 100 myń tonnadan asady, al aıyna tutyný 59 myń tonnany quraıdy. Bul – jetkilikti mólsher. Biraq úı janyndaǵy dúkenderde qant 700-800 teńgeden satylady. Bul – suranysty paıdalanyp, ústeme aqy qoıyp otyrǵan jeke tulǵalardyń zańsyz kásipkerlik qyzmetiniń nátıjesi. Jalpy qanttyń ortasha baǵasy shamamen 480-490 teńge/kg bolýy tıis. Muny retke keltirý kerek», — dep tapsyrdy Úkimet basshysy.

Odan bólek, Premer-Mınıstr kelesi jyly jemis-kókónis ónimderin jetkizýge forvardtyq kelisimsharttar jasasý boıynsha aldyn ala jumys júrgizýdiń mańyzdylyǵyn atap ótti, sondaı-aq sondaı-aq áleýmettik mańyzy bar azyq-túlik ónimderiniń baǵasyn turaqtandyrý boıynsha birqatar tapsyrmalar berdi.

Aıana Toǵanbek

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar