Bul aspannan túsken aqsha emes

Kásipkerlikti qarjylandyrýǵa bólingen 1 trln. teńgeni maqsatty paıdalaný úshin baqylaý qajet

Prezıdent N.Á.Nazarbaev ústimizdegi jylǵy 27 aqpanda kásipkerlikti qoldaý boıynsha keń kólemdi málimdeme jasaǵany belgili. Memleket basshysy má­lim­demesinde ShOB-ty tekserýge moratorıı jarııalap, bıznes ombýdsmen qyzmetin bekitýdi jáne jeke bıznesti qoldaýdaǵy birqatar ózekti sharalarmen qatar, kásipkerlikti qarjylandyrýǵa asa iri soma – 1 trln. teńge bólýdi jáne jiberýdi tapsyrdy. Bul – 5 mıllıardtan astam AQSh dollaryna bara-bar aqsha. Sonymen birge, Prezıdent bólingen qar­jynyń naqty óndiris sektoryna jiberilýine basa nazar aýdardy. Bul qadamnyń mańyzdylyǵyn aı­typ jetkizý múmkin emes, óıt­keni, jalǵasyp jatqan álem­dik qarjy daǵdarysy jáne syrt­qy zaemdarǵa qoljetimdilik qysqarǵan jaǵdaıda, ekonomıka úshin qarjylandyrý mańyzdy máselelerdiń biri bolyp otyr. Memleket basshysy tapsyrma bergen kúnnen bastap birshama ýaqyt ótti. Osy kezeń ishinde bıznes-qaýymdastyq ekonomıkaǵa barýy tıis aıtylǵan qarjynyń túsýin, erejeniń jáne onyń talaptarynyń qabyldanýyn taǵatsyz kútip otyr. Kásipkerlerdiń ulttyq palata­sy birqatar keńester ótkizdi, onda ózderiniń usynystaryn berdi. Aqıqatynda, osy merzim ishinde ne banktik nesıelendirý kóleminde ósý, ne ekonomıkaǵa qandaı da bir basqa quıylymdar bolǵan joq. Osyǵan baılanysty, «Aq jol» QDP depýtattyq fraksııasy úkimet basshysyna kelesi máseleler boıynsha júginedi: 1) Memleket basshysymen bó­lingen 1 trln. teńgeni paıdalaný boıynsha talaptar qashan bekitiledi? 2) Kórsetilgen qarajattyń barlyǵy tek qana óndiris sektoryna jiberile me? 3) Kórsetilgen qarajattyń qandaı bóligi jańa jobalarǵa, qanshasy qoldanystaǵy kási­p­oryn­­dardy qalpyna keltirýge bólinedi? 4) Bólingen qarajattyń qan­daı bóligi banktik nesıelerge sýbsıdııalar arqyly emes, tikeleı kásiporyndardy qoldaýǵa jiberiletin bolady? 5) Úkimet bólingen qarjynyń kásiporynǵa deıin túsýin qandaı merzimde qamtamasyz etedi? 6) Bul qarajatty bólý ká­sip­oryndardyń ózderiniń ekono­mıkalyq tıimdiligimen negizdele me? 7) Osy berilgen qarajatty maq­satty paıdalaný úshin baqylaý qalaısha qamtamasyz etiletin bolady? «Aq jol» QDP ózi tarapynan osy sharalardy júzege asyrý úshin parlamenttik baqylaý engizý qajet dep sanaıdy jáne oǵan qatysý úshin óziniń ókilderin jiberýge daıyn ekenin bildiredi. Bul aqsha aspannan túsken joq, ol qazaqstandyqtardyń mańdaı terimen jáne eńbegimen tabylǵan jáne Qazaqstan halqyna tıesili ekenin este saqtaý qajet. Sondyqtan, bul trıllıonda bir de bir «tegin» teńge joq, olardyń árqaısysyn barynsha joǵary qaıtarymmen paıdalaný qajet. Azat PERÝAShEV, Májilis depýtaty.