Prezıdent • 29 Maýsym, 2022

Prezıdent Kaspıı mańyndaǵy elderdiń azyq-túlik habyn qurýdy usyndy

39 ret kórsetildi

О́tken jyly Qazaqstannyń Kaspıı mańy elderimen ózara saýda-sattyq kólemi shamamen 3,4 mıllıard dollardy qurady, onyń 70%-y Reseımen qurlyqtaǵy baǵytqa tıesili. Bul týraly Memleket basshysy Qasym-Jomart Toqaev Ashhabadta ótip jatqan Kaspıı sammıtinde aıtty, dep habarlaıdy Egemen.kz.

«Qazaqstan et jáne sút ónimderiniń eksportyn arttyrý úshin úlken áleýetke ıe. Memleketterimizdiń saýda-sattyq ózara is-qımylyn nyǵaıtý úshin qazirgi zamanǵy logıstıkalyq ınfraqurylymdy dáıekti túrde damytý qajet. Sondyqtan biz Kaspıı mańy azyq-túlik habyn qurýdy usynamyz. Ol ózara taýar aınalymyn eń az shyǵynmen ósirýge múmkindik beredi», dedi Prezıdent.

Osyǵan oraı Qazaqstanda azyq-túlik taýarlaryn qoımalaý, saqtaý jáne satýdyń tehnologııalyq damyǵan júıesi bar zamanaýı kóterme-taratý ortalyqtarynyń qurylysy bastaldy.

«Bul ortalyqtardyń Kaspıı mańy azyq-túlik habymen júıeli ıntegrasııasy fermerlerdi, satyp alýshylardy, tasymaldaýshylardy, satýshylar men tutynýshylardy tıimdi kooperasııalaý úshin jańa múmkindikter ashýy múmkin jáne eń bastysy - barlyq jetkiziletin ónimdi ótkizýdiń senimdi kepildikterin qamtamasyz etedi», dep qosty Memleket basshysy.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar